O Xurado Provincial de Clasificación de Montes Veciñais en Man Común de Pontevedra, en sesión que tivo lugar o día 19 de marzo de 1997, acordou inicia-los trámites para a clasificación como veciñal en man común do seguinte monte:

Concello: Forcarei.

Parroquia: A Madanela de Montes.

Nome do monte: Trasdomonte.

Cabida: 538 ha (superficie alegada na solicitude).

Estremas:

Norte: monte de Vilariño.

Sur: concellos do Irixo e Beariz, da provincia de Ourense, polo regato Balsada.

Leste: montes da parroquia de Zobra, concello de Lalín.

Oeste: propiedades particulares de Lodoselo e monte da Graña.

O que se pon en coñecemento de tódolos interesados, para efectos de abrir un período de información dun mes de duración contado a partir do día seguinte á publicación deste anuncio para que se poida examina-lo expediente e aducir durante este tempo o que se coide procedente en relación co monte de referencia, de conformidade co disposto

no artigo 11 da Lei 13/1989, do 10 de outubro, de montes veciñais en man común, e no artigo 23.2º do Decreto 260/1992, do 2 de setembro, polo que se aproba o regulamento para a execución da dita lei.

Pontevedra, 13 de novembro de 2002.

José Antonio López Rodríguez

Presidente do Xurado Provincial de Clasificación

de Montes Veciñais en Man Común de Pontevedra