Por acordo da Comisión de Goberno, do 26 de novembro de 2002, referente á convocatoria de tódalas prazas pertencentes á oferta de emprego público do Concello de Cambre para o ano 2002.
O BOP da Coruña número 283, do 11 de decembro de 2002, publica as bases xerais e específicas que a continuación se indican:
Convocatoria específica para a provisión en propiedade, mediante concurso-oposición por promoción interna, dunha praza vacante de administrativo, pertencente á escala de Administración xeral, subescala administrativa, grupo C.
Convocatoria específica para a provisión en propiedade, mediante oposición libre, de tres prazas vacantes de auxiliar administrativo, pertencentes á escala de Administración xeral, subescala auxiliar, grupo D.
Convocatoria específica para a provisión en propiedade, mediante oposición libre, de catro prazas vacantes de garda da policía local, pertencentes á escala de Administración especial, subescala servicios especiais, clase policía local, grupo D.
Convocatoria específica para a provisión en propiedade, mediante oposición libre, dunha praza de conserxe, pertencente á escala de Administración xeral, subescala subalterna, grupo E.
Convocatoria para a contratación laboral fixa dunha praza vacante de oficial de obras, mediante concurso-oposición.
O prazo de presentación de instancias será de vinte días naturais, contados a partir do día seguinte ó da publicación deste extracto no Boletín Oficial del Estado.
Os sucesivos anuncios correspondentes ás convocatorias anteriores publicaranse no BOP da Coruña e no taboleiro de anuncios do concello.
Cambre, 12 de decembro de 2002.
Antonio Varela Saavedra
Alcalde