Por orde da Consellería de Educación e Ordenación Universitaria do 31 de xullo de 2002 convocáronse axudas económicas para alumnos e profesores de centros docentes que participen en proxectos de mobilidade transnacional no marco do programa europeo de formación profesional Leonardo da Vinci durante o ano 2002.
Vista a proposta da comisión de selección prevista no artigo 5 da citada orde,
RESOLVO:
Primeiro.-Conceder, con cargo ó concepto orzamentario 07.04.322T.481.0, da Dirección Xeral de Ordenación Educativa e Formación Profesional, as axudas que se relacionan no anexo.
Segundo.-De acordo co artigo sétimo, as axudas serán aboadas da seguinte forma:
As axudas aboaranse unha vez rematada a actividade e logo da súa completa xustificación económica e entrega da memoria de actividades por parte da entidade colaboradora da xestión de axudas públicas, de acordo co establecido no artigo 15 do Decreto 287/2000, do 21 de novembro, achegando a documentación á que fai referencia o punto 2º do artigo 8, no prazo máximo dun mes contado a partir do remate das actividades.
Terceiro.-Obrigas dos centros beneficiarios.
1. Acepta-la axuda concedida. Neste sentido, se no prazo de quince días, contados a partir da recepción da comunicación pola que se notifica a concesión da axuda, o centro beneficiario non acepta esta, entenderase que renuncia á súa percepción.
2. Facilita-la información requirida e someterse ás accións de comprobación ou control financeiro que poida efectua-la Consellería de Educación e Ordenación Universitaria e os organismos competentes.
3. Xustifica-lo correcto investimento das axudas recibidas, mediante a presentación da seguinte documentación:
3.1. Memoria.
Os centros beneficiarios enviarán unha memoria das actividades realizadas, que inclúa:
a) Resumo do desenvolvemento da actividade realizada.
b) Obxectivos conseguidos.
c) Procedemento de avaliación utilizado, resultados obtidos e difusión que se realizou deles.
3.2. Xustificación de gastos efectuados.
No caso de centros educativos, unha certificación do consello escolar do centro aprobatoria do gasto, xuntando unha relación detallada das facturas e recibos que servirán de xustificantes do proxecto realizado.
No caso de centros de formación continuada do profesorado, certificación do director/a aprobatoria do gasto, xuntando unha relación detallada das facturas e recibos que servirán de xustificantes do proxecto realizado.
Cuarto.-Contra esta resolución os interesados poderán interpoñer recurso potestativo de reposición no prazo dun mes, contado a partir do día seguinte ó da súa publicación no DOG, segundo o disposto na Lei 4/1999 (BOE do 14 de xaneiro), ou ben directamente o recurso contencioso-administrativo, no prazo de dous meses, ante o Tribunal Superior de Xustiza de Galicia.
Santiago de Compostela, 4 de decembro de 2002.
Celso Ramón Currás Fernández
Conselleiro de Educación e Ordenación Universitaria
ANEXO
concedida
Centro escolar Provincia Título do proxecto País destino Axuda
Malta
IES Ribeira do Louro Pontevedra Training for Higher Technician en E-commerce Alemaña
1.575
IES nº 1 Lugo Lugo Professional European Contact for Health Teachers Italia 5.333
IES Monte Castelo Lugo Professional European Contact for Vocational Health Studies Finlandia 585,73
CPR Colexio Mendiño Pontevedra Utilización de los TIC para la formación en comercio Irlanda 2.621
IES Melide A Coruña Movilidad en el ámbito de la madera Alemaña 334
IES Paseo das Pontes A Coruña Curtido y acabado de pieles Grecia 375
IES Escolas Proval Pontevedra Proval 2001 in Europe Italia 9.112
IES Fontiñas A Coruña European Secretaries Reino Unido 8.486
Total 28.421,73