No xulgado do contencioso-administrativo número un de Santiago de Compostela tramítase o recurso número 320/2002 (procedemento abreviado) interposto por Bernardo Jácome Varela na súa condición de aspirante no proceso selectivo de persoal estatutario convocado por Resolución do 20 de marzo de 2001 (DOG nº 63, do 29 de marzo).

O recorrente, aspirante da categoría de persoal de servicios xerais, pretende a asignación de 10 puntos polo epígrafe de formación posgraduada, un total de 170,23 no concurso-oposición e a súa conseguinte inclusión na relación de aspirantes seleccionados.

O que se notifica para xeral coñecemento de tódalas persoas interesadas no procedemento, que son emprazadas para que poidan comparecer no xulgado como demandados no prazo de nove días, de conformidade co previsto no artigo 49 da Lei 29/1998, do 13 de xullo, regulamentadora da xurisdicción contencioso-administrativa.

Santiago de Compostela, 5 de decembro de 2002.

Valeriano Martínez García

Director xeral da División de Recursos Humanos