A Fundación Pública Centro de Transfusión de Galicia, para dar cumprimento os artigos 9º e 10º da Lei 10/1996, do 5 de novembro, de actuación de entes e empresas nas que ten participación maioritaria a Xunta de Galicia, en materia de persoal e contratación resolve convoca-lo seguinte concurso público.

1. Entidade adxudicadora. Fundación Pública Centro de Transfusión de Galicia, avda. Monte da Condesa, s/n, 15706 Santiago de Compostela. Teléfono 981 54 69 00, fax 981 59 31 51.

2. Obxecto e orzamento do contrato: adquisición de artigos publicitarios para promoción da doazón e obsequio ós doadores de sangue para as campañas de doazón do Centro de Transfusión de Galicia.

Orzamento: 100.000 euros para a adquisición de 130.000 unidades.

Duración: un ano desde a data da sinatura do contrato.

3. Tramitación, procedemento e forma de adxudicación: acordo marco de subministracións, procedemento aberto, adxudicación por concurso.

4. Fianzas e garantías: garantía definitiva por importe do 4% do valor de cada adxudicación.

5. Documentación de interese para os licitadores: os pregos de condicións xurídicas e de condicións técnicas particulares pódense solicitar no Centro de Transfusión de Galicia, avda. Monte da Condesa, s/n, 15706 Santiago de Compostela en días laborables desde as 9 ata as 14 horas.

6. Prazo e lugar de presentación das proposicións: as proposicións presentaranse antes das 14 horas do día 30 de decembro de 2002.

7. Dara de apertura das proposicións: a apertura das proposicións admitidas será realizada en acto público na sala de xuntas do Centro de Transfusión de Galicia, a partir das 10 horas do día 13 de xaneiro de 2003.

8. Anuncios: os anuncios deste concurso serán por conta do/s adxudicatario/s do contrato.

Santiago de Compostela, 5 de decembro de 2002.

Carlos Areal Méndez

Director técnico da Fundación Pública

Centro de Transfusión de Galicia