Perante este Xurado Provincial de Clasificación de Montes Veciñais en Man Común, tramítase o expe
diente nº 378, de cualificación do monte que ten as características que se indican a continuación:
Monte: Da Porreira e Couto.
Comunidade: lugares de Cabanude, Curra e Noveira.
Parroquia: Arcos.
Concello: Mazaricos.
Superficie: 21,10 ha.
Lindeiros:
É parte do monte Pedregal e Ruña, nº 103-H do C.U.P.
Parcela 1. Superficie: 17,60 ha.
Norte: co monte do lugar de Enxilde, do piquete 118 do deslindamento segue en liña recta ó punto denominado Porreiras de Abaixo, de aí ó Petón Grande e deste ó punto de intersección coa liña recta trazada desde os piquetes 113-114. Leste: con máis monte Pedregal e Ruña, do punto anterior segue en liña recta ata o piquete 114. Sur: remata en punta no piquete 114. Oeste: muro que o separa de propiedades particulares de Cabanude e Curra, do piquete 114 ó 118 seguindo a orde de piquetes.
Parcela 2. Superficie: 3,50 ha.
Norte: propiedades particulares de Cabanude e Curra. Do piquete 108 ó 112, seguindo a orde de piquetes. Leste: máis monte Pedregal e Ruña, do piquete 112 en liña recta ata o piquete 104. Sur: propiedades particulares de Cabanude e Curra, do piquete 104 ó 105. Oeste: propiedades particulares de Cabanude e Curra, do piquete 105 ó 108 seguindo a orde de piquetes.
En virtude do acordado polo xurado, e en cumprimento da orde do instructor, do 10 de outubro de 2002, conforme o disposto na Lei de montes veciñais en man común, do 10 de outubro de 1989, e demais disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992, para a aplicación da citada lei, cantas persoas, organismos ou corporacións resulten interesadas poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, achegando, se é o caso, a documentación que consideren conveniente ó respecto.
A Coruña, 10 de outubro de 2002.
P.A.
Ana María Díaz López
Secretaria do Xurado Provincial de Clasificación de Montes Veciñais en Man Común da Coruña
Visto e prace
Juan Ramón Beneyto Bellas
Instructor