O Pleno do Concello de Santiago de Compostela, na sesión ordinaria do día 31 de outubro de 2002, acordou inicia-lo expediente de expropiación, por taxación conxunta, dos bens e dereitos necesarios para a execución do proxecto técnico de expropiación para execución do xardín botánico, 1ª fase, do que é beneficiario o Consorcio da Cidade de Santiago de Compostela.

En cumprimento do disposto no artigo 145 da Lei 1/1997, do solo de Galicia, o Concello expón ó público o dito proxecto de expropiación, co fin de que, no prazo dun mes, contado desde o día seguinte ó da última publicación deste anuncio no Diario Oficial de Galicia e na prensa local ou desde a notificación individual, se esta fose posterior, para que os interesados poidan formula-las observacións e reclamacións que coiden convenientes, en particular no que atinxe á titularidade ou valoracións dos seus respectivos dereitos.

Este edicto servirá de notificación, nos termos do artigo 59.4º da Lei de réxime xurídico das administracións públicas e do procedemento administrativo común, para tódolos afectados que, por resultaren descoñecidos ou ignorándose o seu domicilio, non poidan ser citados persoalmente ó trámite de información pública.

Relación de bens e dereitos afectados:

Termo municipal: Santiago de Compostela.

Situación: ó longo da estrada de San Lourenzo.

Parcelario segundo certificacións catastrais con data do 8 de outubro de 2002.

Xosé A. Sánchez Bugallo

Alcalde