Por Resolución do 14 de novembro de 2002, do director xeral de Urbanismo da Consellería de Política Territorial, Obras Públicas e Vivenda da Xunta de Galicia, aprobouse definitivamente o expediente de expropiación forzosa, seguido polo procedemento de taxación conxunta, para a execución do Plan parcial reformado do polígono de Esteiro (parcelas grupo D) en Ferrol, promovido polo Instituto Galego da Vivenda e Solo, conforme o previsto nos artigos 145 e seguintes da Lei 1/1997, do 24 de marzo, do solo de Galicia.

Sen prexuízo de que os interesados mostren desconformidade coa valoración establecida no expediente, seguíndose en tal caso ante o Xurado de Expropiación Forzosa a fixación do prezo xusto

correspondente, a indicada aprobación definitiva do expediente implica a declaración de urxencia da ocupación dos bens e dereitos afectados e o pagamento ou depósito do importe da valoración establecida habilita para proceder á ocupación do predio e producirá os efectos previstos nos números 6, 7 e 8 do artigo 52 da Lei de expropiación forzosa (artigo 146.1º e 2º da Lei 1/1997, do solo de Galicia).

Procede en consecuencia fixa-las datas en que se procederá ó levantamento das correspondentes actas de pagamento e ocupación de conformidade cos artigos 49 e 55 do regulamento da Lei de expropiación forzosa.

Para os ditos actos deberá terse en conta:

1. Que o pagamento do prezo xusto só se fará efectivo, consignándose en caso contrario, ós interesados que acrediten fidedignamente a súa titularidade (artigo 146.3º da Lei 1/1997).

2. Que para tal efecto o interesado achegará certificación rexistral ó seu favor, na que conste que se estendeu a nota do artigo 32 do Regulamento hipotecario ou, no seu defecto, os títulos xustificativos do seu dereito completados con certificación negativa do Rexistro da Propiedade referida ó mesmo predio descrito nos títulos. Se existisen cargas deberán comparece-los seus titulares. (Artigo 222.2º do texto refundido da Lei do solo, aprobado polo Real decreto lexislativo 1/1992).

3. Que se o expropiado non quixese acepta-lo prezo xusto ou non achegase títulos suficientes xustificativos do dominio ou existise contenda respecto á titularidade do ben ou dereito expropiado ou, en xeral, se concorrese algún dos supostos do artigo 51 do Regulamento da Lei de expropiación forzosa, a Administración consignará o seu importe na Caixa Xeral de Depósitos (artigo 206.1º do Regulamento de xestión urbanística).

En consecuencia convócanse e cítanse os titulares dos bens e dereitos afectados polo presente expediente para proceder ó levantamento das actas de pagamento e ocupación que se efectuará nos seguintes lugares e datas:

Lugar: Casa do Concello de Ferrol, planta 1ª, Ferrol.

Datas: as actas de pagamento terán lugar o día e hora que se sinala no cadro que se xunta. As actas de ocupación levantaranse na mesma data e hora, a continuación da correspondente acta de pagamento, salvo que o prezo xusto tivese que ser consignado, sendo así levantaríanse no mesmo lugar o día 3 de xaneiro de 2003, ás 12.30 horas.

Santiago de Compostela, 3 de decembro de 2002.

José Antonio Redondo López

Director xeral do Instituto Galego

da Vivenda e Solo

ANEXO

Calendario da convocatoria para o levantamento das actas de pagamento e ocupación do expediente de expropiación forzosa para a execución do Plan parcial reformado do polígono de Esteiro (parcelas grupo D) en Ferrol