O Concello de Oleiros tramita, por medio de concurso con procedemento aberto, o contrato de consultoría e asistencia seguinte:
Obxecto: traballos de consultoría e asistencia para a revisión parcial do Plan Xeral Municipal de Ordenación de Oleiros.
Orzamento de licitación: 240.404,84 euros.
Fianzas:
Provisional: 4.808,10 euros.
Definitiva: 4% do importe de adxudicación.
Prazo de execución e entrega:
1. Entrega do avance da revisión do PXMO: 5 meses.
2. Entrega do documento para a aprobación inicial: 6 meses.
3. Entrega de informe de alegacións: 1 mes.
4. Presentación de documento reformado, se é o caso, para informe previo e vinculante da Consellería de Política Territorial, Obras Públicas e Vivenda: 1 mes.
5. Se é o caso, incorporación de modificacións ó documento para aprobación definitiva: 1 mes.
6. Se é o caso, texto refundido do documento de revisión do PXMO: 1 mes.
Proposicións: poderán presentarse no rexistro xeral do Concello de Oleiros durante o prazo de quince días (15) naturais, contados a partir do día seguinte ó da última publicación do anuncio de licitación no BOP ou no DOG, ata as 13 horas.
Prego de condicións: poderá recollerse na secretaría xeral do Concello de Oleiros, desde as 9 ata as 13 horas.
Os gastos de publicación deste anuncio serán por conta do adxudicatario.
Oleiros, 21 de novembro de 2002.
Esther Pita Pita
Alcaldesa