Por Resolución deste centro directivo do 8 de novembro de 2002 (DOG nº 221, do 15 de novembro), decláranse con carácter provisional os aspirantes admitidos e excluídos para participar no proceso extraordinario de consolidación de emprego para a selección e provisión de prazas das categorías de matrona e hixienista dental de persoal estatutario das institucións sanitarias dependentes do Servicio Galego de Saúde.

Rematado o prazo previsto para emendar, se for o caso, o defecto que motivou a exclusión dos aspirantes, procede agora, de conformidade co disposto no punto 4 da base quinta da convocatoria, dictar resolución na que se publican as listaxes definitivas de aspirantes admitidos e excluídos para estas dúas categorías convocadas, sinalando os lugares onde poder ser examinadas.

Por todo iso, esta división,

ACORDA:

Primeiro.-Publica-las listaxes definitivas de aspirantes admitidos e excluídos das categorías de matrona e hixienista dental para participar no proceso extraordinario de consolidación de emprego para a selección e provisión de prazas de persoal estatutario das institucións sanitarias dependentes do Servicio Galego de Saúde, convocado polas diversas ordes da Consellería de Sanidade do 29 de xullo de 2002 (DOG nº 168, do 2 de setembro).

Segundo.-As listaxes coa relación definitiva de aspirantes admitidos e excluídos poderán examinarse nos taboleiros de anuncios dos servicios centrais e periféricos da Consellería de Sanidade e do Servicio Galego de Saúde, nos dos centros de xestión de atención primaria e especializada do Servicio Galego de Saúde e na páxina web do Sergas (www.sergas.es).

Terceiro.-Esta resolución poderá ser impugnada polos interesados nos termos previstos no punto 3 da base vixésimo primeira da convocatoria.

Santiago de Compostela, 2 de decembro de 2002.

Valeriano Martínez García

Director xeral da División de Recursos Humanos

XULGADO DE PRIMEIRA INSTANCIA E INSTRUCCIÓN NÚMERO DOUS

DE NOIA