Na Sala do Contencioso-Administrativo do Tribunal Superior de Xustiza de Galicia tramítase o recurso número 1/1182/2002 (procedemento especial para a protección dos dereitos fundamentais da persoa) interposto por Francisco Javier Osorio Calles e María Dolores Rancaño Osorio coa pretensión de que se declare a nulidade de pleno dereito da Resolución do 5 de decembro de 2001 (DOG nº 240, do 13 de decembro), pola que se convocou concurso de traslados para a provisión de prazas de persoal do grupo técnico da función administrativa (rama xurídica).

O que se notifica para xeral coñecemento de tódalas persoas interesadas no procedemento, que son emprazadas para que poidan comparecer na sala como demandados no prazo de cinco días, de conformidade co previsto no artigo 116 da Lei 29/1998, do 13 de xullo, regulamentadora da xurisdicción contencioso-administrativa.

Santiago de Compostela, 18 de novembro de 2002.

Valeriano Martínez García

Director xeral da División de Recursos Humanos