A Orde do 18 de setembro de 2002 (DOG do 27 de setembro), pola que se convocaban os premios extraordinarios de formación profesional correspondentes ó curso 2000/2001, establecía no seu artigo sétimo 4 que, de acordo coa proposta feita polo tribunal, o director xeral de Centros e Inspección Educativa concedería os premios extraordinarios de formación profesional.

Unha vez realizada a valoración polo tribunal de selección, publicada a acta provisional coas puntuacións obtidas polos candidatos e unha vez resoltas as reclamacións presentadas e vista a acta coa pro

posta definitiva de adxudicación dos premios extraordinarios, esta dirección xeral

RESOLVE:

Primeiro.-Concede-los premios extraordinarios de formación profesional, correspondentes ó curso 2000-2001, ós alumnos que figuran no anexo a esta resolución.

Segundo.-Esta resolución, que pon fin á vía administrativa, pódese recorrer, mediante recurso potestativo de reposición, no prazo dun mes, ante o director xeral de Centros e Inspección Educativa, ou impugnar, mediante a interposición de recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados desde o día seguinte ó da data da súa publicación.

Santiago de Compostela, 18 de novembro de 2002.

Alberto González Armesto

Director xeral de Centros e Inspección Educativa

ANEXO