O Concello de Ponte Caldelas solicitou a cesión por parte da Xunta de Galicia da estrada PO-271, comprendida integramente no seu termo municipal e en solo cualificado de urbano.
Con data do 16 de setembro de 2002 asinouse o convenio de cambio de titularidade da mencionada estrada entre o alcalde-presidente e o conselleiro de Política Territorial, Obras Públicas e Vivenda, ratificado polo Pleno do Concello con data do 24 de outubro de 2002.
Conforme o sinalado no artigo 5 da Lei de estradas autonómica 4/1994, do 14 de setembro, tralo acordo entre as administracións afectadas, por proposta do conselleiro de Política Territorial, Obras Públicas e Vivenda e logo de deliberación do Consello da Xunta de Galicia na súa reunión do día catorce de novembro de dous mil dous,
DISPÓN:
Artigo 1º
Apróbase o cambio de titularidade, a prol do Concello de Ponte Caldelas, da estrada de titularidade autonómica PO-271, variante de Ponte Caldelas, sita no termo municipal de Ponte Caldelas, que ten unha lonxitude de 1,1 km, con orixe no p.k. 33+675 da estrada C-531, Xinzo-Vilagarcía de Aorusa e remate no p.k. 0+850 da estrada PO-244, Ponte Caldelas-Soutomaior.
Artigo 2º
Correspóndenlle ó Concello de Ponte Caldelas tódalas actividades de xestión, mantemento, conservación e explotación da vía cedida.
Disposición derradeira
O presente decreto entrará en vigor o día seguinte ó da súa publicación no Diario Oficial de Galicia.
Santiago de Compostela, catorce de novembro de dous mil dous.
Manuel Fraga Iribarne
Presidente
José Cuíña Crespo
Conselleiro de Política Territorial, Obras Públicas e Vivenda