Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Unión Fenosa Distribución, S.A.
Domicilio social: avda. de Arteixo 171, 15007 A Coruña.
Denominación: L.M.T., C.T., R.B.T., Casarellos.
Situación: Aranga.
Descricións técnicas: liña eléctrica aérea espida de media tensión, a 15/20 kV sobre apoios de formigón e con conductor LA-56, de 322 m de lonxitude, coa orixe no apoio nº 3 da liña que alimenta ó C.T. Torrelavandeira e final no C.T. Casarellos, a instalar.
Centro de transformación, tipo intemperie, de 50 kVA e tensión de 15/0,380-0,220 kV, do que parte rede de baixa tensión sobre apoios de formigón e conductor R.Z., de 315 m que discorre polo lugar de Casarellos. Concello de Aranga.
Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, capítulo II, do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.
As instalacións executaranse nun prazo non superior a seis meses, contados a partir da data desta resolución.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
A Coruña, 25 de outubro de 2002.
Jesús Espada Martínez
Delegado provincial da Coruña
CONSELLERÍA DE POLÍTICA AGROALIMENTARIA E
DESENVOLVEMENTO RURAL