DOG 227 do 25/11/2002 - RESOLUCIÓN do 11 de novembro de 2002, da Área de Explotación e Planificación, pola que se realiza a publicidade da do 16 de abril de 2002, da Dirección Xeral de Calidade e Avaliación Ambiental, na que se formula a declaración de impacto ambiental das instalacións para a náutica recreativa no porto de Baiona.

VI. ANUNCIOS

DA ADMINISTRACIÓN AUTONÓMICA

ENTE PÚBLICO PORTOS DE GALICIA

RESOLUCIÓN do 11 de novembro de 2002, da Área de Explotación e Planificación, pola que se realiza a publicidade da do 16 de abril de 2002, da Dirección Xeral de Calidade e Avaliación Ambiental, na que se formula a declaración de impacto ambiental das instalacións para a náutica recreativa no porto de Baiona.

Visto o artigo 4.7º do Decreto 442/1992, do 13 de setembro (DOG nº 188, do 25 de setembro), de avaliación de impacto ambiental para Galicia, a xefa da Área de Explotación e Planificación de Portos de Galicia

RESOLVE:

Darlle publicidade mediante esta publicación á Resolución do 16 de abril de 2002, da Dirección Xeral de Calidade e Avaliación Ambiental, pola que se formula a declaración de impacto ambiental das intalacións para a náutica recreativa no porto de Baiona, sita en terreos do concello de Baiona, provincia de Pontevedra, promovido por Ronáutica, S.A.

A mencionada declaración refírese ó recheo de 11.787 m ata a cota +4, co seu perímetro rematado con peirao de 2 m de calado; 297 prazas de amarre repartidas en 8 pantaláns pilotados, protexidos na cara N por un dique flotante de formigón de 180 m de lonxitude e 4 m de largo. Foi incorporada ó citado expediente e encóntrase ó dispor de calquera interesado nas oficinas centrais de Portos de Galicia durante un prazo de trinta días contados desde a publicación deste anuncio.

Santiago de Compostela, 11 de novembro de 2002.

Ana Isabel Calzadilla Bouzón

Xefa da Área de Explotación e Planificación