Con data 4 de outubro de 2002, a Consellería de Cultura, Comunicación Social e Turismo, remitiu á Consellería de Economía e Facenda os expedientes de doazón de obras de arte propiedade de Alberto Carneiro, Pamen Pereira e Thais de Picaza Megías.
A Secretaría Xeral e do Patrimonio tramitou os expedientes de aceptación, logo dos respectivos informes favorables da Comisión Superior de Valoración de Bens Culturais de Interese para Galicia.
Conforme os artigos 17.1º da Lei 3/1985, do 12 de abril, do patrimonio da Comunidade Autónoma galega, e 34 do seu regulamento, aprobado polo Decreto 50/1989, do 9 de marzo, a adquisición pura e simple de bens a título gratuíto ou lucrativo requirirá decreto do Consello da Xunta de Galicia, por proposta da Consellería de Economía e Facenda.
Na súa virtude, por proposta do conselleiro de Economía e Facenda, feita nos termos nos que Alberto Carneiro, Pamen Pereira e Thais de Picaza Megías acordaron a doazón, e logo de deliberación do Consello da Xunta de Galicia na súa reunión do día sete de novembro de dous mil dous,
DISPOÑO:
Artigo 1º
Acepta-las seguintes doazóns de obras de arte que a seguir se relacionan:
1. Doador: Alberto Carneiro.
Autor: Alberto Carneiro.
Título: A floresta.
Ano: 1978.
Técnicas: fotografía sobre papel impreso.
Medidas: 24 follas de 62x12 cm C/U.
2. Doador: Pamen Pereira.
Autor: Pamen Pereira.
Título: Gabinete de traballo.
Ano: 1998.
Técnica: madeira, graxa, alfombra.
Medidas: 78x100x70 cm.
3. Doador: Thais de Picaza Megías.
Autor: Alberto Datas.
Título: sen título (da serie Ropas).
Ano: 1972.
Técnica: óleo sobre tea.
Medidas: 200x150 cm.
Artigo 2º
Os bens doados integraranse na colección permanente do Centro Galego de Arte Contemporánea.
Disposición derradeira
A Consellería de Economía e Facenda, a través da Secretaría Xeral e do Patrimonio, levará a cabo tódolos trámites para a efectividade deste decreto.
Santiago de Compostela, sete de novembro de dous mil dous.
Manuel Fraga Iribarne
Presidente
José Antonio Orza Fernández
Conselleiro de Economía e Facenda