O artigo 41 da Lei 27/1992, do 24 de novembro, de portos do Estado e da mariña mercante, texto reformado pola Lei 62/1997, do 26 de decembro, establece que o presidente da autoridade portuaria será designado e separado polo órgano competente da Comunidade Autónoma.
Para dar cumprimento ó disposto na Lei 27/1992, do 24 de novembro, de portos do Estado e da mariña mercante, o Consello da Xunta de Galicia acordou o 5 de marzo de 1998 faculta-lo conselleiro de Política Territorial, Obras Públicas e Vivenda para a
designación e separación do presidente da Autoridade Portuaria da Coruña.
En consecuencia,
DISPOÑO:
Artigo único.-O cesamento de Antonio Couceiro Méndez, como presidente da Autoridade Portuaria da Coruña, por petición propia, agradecéndolle os servicios prestados.
Santiago de Compostela, 20 de novembro de 2002.
José Cuíña Crespo
Conselleiro de Política Territorial, Obras Públicas
e Vivenda
CONSELLERÍA DE POLÍTICA TERRITORIAL, OBRAS PÚBLICAS
E VIVENDA