Folla de especificacións:
a) Obxecto do contrato, referencia ó proxecto e necesidades administrativas que se van satisfacer: concurso dos servicios de expendeduría de billetes nas instalacións do organismo autónomo municipal Vigo Zoo.
b) Orzamento de licitación máximo: 58.720,20 euros polos dous anos.
c) Financiamento:
Aplicación orzamentaria: 452.3.227.06.04 prestación de servicios de expendeduría de billetes do orzamento de 2003.
d) Revisión de prezos: procederá a primeira revisión de prezos transcorrido un ano desde a data de inicio do contrato.
e) Forma e contido da proposición: segundo a cláusula 11 do presente prego de cláusulas administrativas.
f) O Lugar, a data e a hora de apertura de proposicións: na Casa do Concello de Vigo ante a Mesa de Contratación de Vigo Zoo, o 1º martes seguinte ó día que remate o prazo de presentación de proposicións, ás 10 horas. Se coincidise en día non hábil ó de apertura de plicas ou se, por causas de forza maior, non podera ter lugar, este terá lugar o primeiro día hábil seguinte.
g) Criterios de adxudicación do concurso:
-Menor prezo ofertado: 5 puntos.
-Melloras en relación coa forma de presta-lo servicio obxecto do contrato: 5 puntos.
-Cualificación debidamente acreditada da persoa encargada do servicio, especialmente os seus coñecementos informáticos a nivel de usuario, ata 2 puntos.
-Maior cobertura do seguro de responsabilidade civil respecto á mínima esixida polo prego, ata 2 puntos.
h) Prazo de execución: comezará ó día seguinte da sinatura do contrato e terá unha duración de dous anos, que poderá prorrogarse logo de acordo do Consello de Administración por outros dous.
i) Garantías:
-Garantía provisional: non se esixe.
-Garantía definitiva: o adxudicatario deberá constituí-la fianza definitiva no prazo de quince días hábiles seguintes ó do recibimento da notificación de adxudicación, por importe do 4% do prezo do contrato.
k) Importe máximo de gastos de publicidade da licitación:
O adxudicatario estará obrigado a pagar tódolos gastos de publicación de anuncios de licitación en diarios oficiais e medios de comunicación e os de adxudicación. O importe máximo dos anuncios é de 600 euros.
Vigo, 4 de novembro de 2002.
Amador Fernández Fernández
Presidente do organismo autónomo municipal
Vigo Zoo