Con data do 30 de setembro de 2002, aprobouse con carácter definitivo, por decreto da Alcaldía número 152/2002, o proxecto de urbanización da actuación industrial Curtis-Teixeiro, promovido pola Entidad Pública Empresarial de Suelo -SEPES- e redactado polo enxeñeiro de camiños, canles e postos José M. Moure Vieites.
Faise público para os efectos determinados no artigo 70.2º da Lei 7/1985, en consonancia co disposto na Lei 1/1997, do 24 de marzo, do solo de Galicia.
Contra este acordo, que é definitivo en vía administrativa, poderá interpoñerse recurso potestativo de reposición no prazo dun mes, contado desde o seguinte ó desta publicación, ou ben recurso contencioso-administrativo, perante a Sala do Contencioso-Administrativo do Tribunal Superior de Xustiza de Galicia, sen prexuízo de que se poida utilizar calquera outro recurso e exerce-las accións que se consideren procedentes.
Curtis, 21 de outubro de 2002.
Javier Francisco Caínzos Vázquez
Alcalde