Juan Rey Pita, secretario do Xulgado do Social número tres da Coruña, dou fe e certifico que neste xulgado séguense autos nº 256/2002 por instancia de Mutua Gallega de Accidentes de Trabajo contra INSS e outras sobre outros, nos que recaeu sentencia en data 24-10-2002 que copiada nos particulares necesarios di así:

«Que estimando a demanda formulada por Mutua Galega de Accidentes de Traballo condeno a empresa Madeblas, S.L. como responsable directa e única do aboamento dos gastos derivados da asistencia sanitaria ó traballador, Jaime Pazos Fernández, derivada de accidente de traballo, na contía inicial establecida no feito terceiro desta resolución, que debe reintegrar á mutua actora sen prexuízo da responsabilidad subsidiaria que no seu caso puidera recaer no Instituto Nacional da Seguridade Social e na Tesourería Xeral da Seguridade Social, como xestores do Fondo de Garantía de Accidentes de Traballo».

Notifíquese a esta resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles contados a partir do seguinte ó da súa notificación.

Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo.

E para que conste, para efectos da súa publicación no Diario Oficial de Galicia, a fin de que sirva de notificación en forma á empresa Madeblas, S.L., expido e asino esta cédula na Coruña, 25 de outubro de 2002.

O secretario xudicial

Rubricado