De conformidade co disposto no artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, notifícaselle á persoa que no anexo se menciona, a resolución do expediente, por infracción á Lei 81/1968, do 5 de decembro, sobre incendios forestais, e o seu regulamento aprobado polo Decreto 3769/1972, do 23 de decembro (BOE do 13 de febreiro de 1973), por non ser posible a notificación a través do servicio de correos.

O importe da sanción farase efectivo mediante o impreso normalizado que lle será facilitado na Dele

gación Provincial de Lugo (edificio adtvo. da Xunta de Galicia, Rolda da Muralla, nº 70) no prazo de 15 días hábiles contados a partir do seguinte día da presente publicación conforme o Real decreto 1398/1993, do 4 de agosto (BOE do 9 de agosto). De non facelo dentro do prazo sinalado, procederase ó seu cobramento pola vía administrativa de constrinximento.

Non obstante, de acordo co artigo 114 da Lei de réxime xurídico das administracións públicas e do procedemento administrativo común, contra esta resolución e no prazo dun mes poderase interpoñer recurso ordinario perante o conselleiro de Medio Ambiente da Xunta de Galicia.

Lugo, 22 de outubro de 2002.

Luis González Vázquez

Delegado provincial de Lugo

ANEXO

Expediente: IF-41/2002.

Denunciado: Javier Álvarez López.

DNI: 33810169.

Enderezo: rúa Calvo Sotelo, nº 110, Lugo.

Feito denunciado: realizar unha queima de maleza sen autorización, abandoándoa antes de estar totalmente apagada, co conseguinte perigo para o arboredo estremeiro.

Precepto sancionador: artigo 138.b.c. do Regulamento de incendios.

Cualificación: moi grave.

Sanción: 60 euros.