Por resolución da concelleira de Economía, Facenda, Patrimonio e Contratación, de data 17 de xuño, iniciouse o expediente mediante concurso con procedemento aberto, para a contratación da obra de adecuación peonil do adro da igrexa Torre de Celas e sinalización, incluída no Plan XXI do fomento do turismo e da natureza na provincia da Coruña, que conta cun orzamento de 124.292,83 euros.

Con data 12 de xullo publícase anuncio de licitación no DOG e o 17 do mesmo mes no BOP.

Dentro do prazo establecido para o efecto non se presenta ningunha empresa á licitación, polo que a Mesa Xeral de Contratación en sesión de data 22 de agosto propón declarar deserto o concurso e darlle inicio a un procedemento negociado sen publicidade, mantendo as condicións orixinais do contrato.

Vista esta proposta, por resolución do alcalde de Culleredo de data 26 de agosto declárase deserto o concurso e dáse inicio a un procedemento negociado sen publicidade.

Culleredo, 3 de setembro de 2002.

P.D. (Resolución 22-10-1999, BOP do 13

de novembro)

Purificación Illobre Carbón

Concelleira de Economía, Facenda, Patrimonio e Contratación