DOG 223 do 19/11/2002 - RESOLUCIÓN do 7 de novembro de 2002, conxunta da Consellería da Presidencia, Relacións Institucionais e Administración Pública e da Consellería de Sanidade, pola que se conceden as axudas para a realización de proxectos de investigación convocadas na Orde do 25 de xuño de 2002 (Diario Oficial de Galicia número 133, do 11 de xullo).

III. OUTRAS DISPOSICIÓNS

CONSELLERÍA DA PRESIDENCIA, RELACIÓNS INSTITUCIONAIS E ADMINISTRACIÓN PÚBLICA

RESOLUCIÓN do 7 de novembro de 2002, conxunta da Consellería da Presidencia, Relacións Institucionais e Administración Pública e da Consellería de Sanidade, pola que se conceden as axudas para a realización de proxectos de investigación convocadas na Orde do 25 de xuño de 2002 (Diario Oficial de Galicia número 133, do 11 de xullo).

A orde conxunta das consellerías da Presidencia, Relacións Institucionais e Administración Pública e de Sanidade do 25 de xuño de 2002 aprobaba as bases para a convocatoria de axudas para a realización de proxectos de investigación. No seu artigo 4 determinábanse os criterios de valoración e materias preferentes que deberían ter en conta os membros da comisión encargada de realiza-la proposta de resolución.

Atendendo á proposta elaborada pola citada comisión, a Consellería da Presidencia, Relacións Institucionais e Administración Pública e a Consellería de Sanidade

RESOLVEN:

Primeiro.-Concede-las axudas para a realización de proxectos de investigación en Galicia dentro dos centros, servicios e establecementos sanitarios públicos da Comunidade Autónoma de Galicia para os proxectos que se citan no anexo I desta resolución, pola cantidade que en cada caso se sinala.

Segundo.-As solicitudes que non figuran citadas no mencionado anexo, que foron admitidas para participar neste concurso, entenderase que quedan denegadas por non conseguiren, no proceso de selección, a cualificación necesaria.

Terceiro.-O incumprimento por parte dos beneficiarios de calquera das bases establecidas na orde de convocatoria do 25 de xuño de 2002 (DOG do 11 de xullo) suporá a perda do dereito a recibi-la axuda correspondente.

Cuarto.-Contra esta resolución poderase interpoñer potestativamente recurso de reposición ante o conselleiro da Presidencia, Relacións Institucionais e Administración Pública ou ante o conselleiro de Sanidade no prazo dun mes contado a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderase interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, nun prazo de dous meses contado a partir do día seguinte ó da publicación desta resolución no Diario Oficial de Galicia.

Disposición derradeira

Esta resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 7 de novembro de 2002.

P.D. (Orde 25-6-2002, DOG do 11 de xullo)

Miguel A. Ríos FernándezFrancisco López Rois

Secretario xeral de InvestigaciónDirector xeral de Asistencia

e DesenvolvementoSanitaria