Non sendo atopada no domicilio coñecido, resolvo notificar por este medio, de conformidade co disposto polo artigo 59.5º da Lei 30/1992, do 26 de novembro, de réxime xurídico das administracións públicas e do procedemento administrativo común, a corrección de erros do 22 de agosto de 2002 e a resolución desestimatoria do recurso de alzada interposto por Mª Carmen Fuciños Álvarez no expediente disciplinario 2/01-M, ambas devoltas polo servicio de correos.

Advertido un erro de transcrición na resolución do expediente disciplinario 2/01-M incoado á facultativa médica Mª Carmen Fuciños Álvarez e asinada polo secretario xeral en data 31 de xullo de 2002, cómpre efectua-la oportuna corrección de acordo co artigo 105.2º da Lei 30/1992, de réxime xurídico das administracións públicas e do procedemento

administrativo común. Así pois, no penúltimo parágrafo, onde di: «Segundo...con efectividade desde o día seguinte á recepción pola interesada da notificación deste acordo», debe dicir: «Segundo... con efectividade desde a data na que esta resolución sexa firme».

Do mesmo xeito, na notificación efectuada con data do 8 de agosto mencionábase como órgano que asinaba o conselleiro, sendo necesario substituílo polo secretario xeral.

Así mesmo, fáiselle saber que con data 27 de setembro de 2002 o conselleiro de Sanidade asinou a resolución do recurso de alzada do expediente disciplinario 2/01-M no que resolve desestima-lo recurso de alzada interposto por Mª Carmen Fuciños Álvarez e confirma-la resolución do secretario xeral da Consellería de Sanidade do 31 de xullo de 2002 a cal xa se lle notificou no seu día. A dita resolución, tamén remitida á expedientada e devolta polo servicio de correos con data do 4 de outubro de 2002 por non residir xa nese domicilio, pon fin á vía administrativa de acordo co artigo 109 a) da Lei 30/1992, podendo interpoñer contra ela, sen prexuízo dos demais recursos administrativos á que teña dereito, recurso contencioso-administrativo conforme o disposto no artigo 8 da Lei 29/1988, do 13 de xullo, reguladora da xurisdicción contencioso-administrativa, no prazo de dous meses contados desde o día seguinte ó da publicación desta notificación, de conformidade co artigo 46 da referida lei.

Santiago de Compostela, 16 de outubro de 2002.

Manuel Antonio Silva Romero

Secretario xeral da Consellería de Sanidade