En cumprimento do disposto no artigo 5 do Decreto 442/1990, do 13 de setembro, de avaliación do impacto ambiental para Galicia, faise pública a Resolución do 10 de setembro de 2002 da Dirección Xeral de Calidade e Avaliación Ambiental pola que se modifica a declaración de impacto ambiental do proxecto de parque eólico Penas Grandes, no concellos de Carballedo (Lugo) e Rodeiro (Pontevedra), promovido pola empresa Elecnor, S.A., que se transcribe como anexo a esta resolución.
Santiago de Compostela, 15 de outubro de 2002.
Ramón Ordás Badía
Director xeral de Industria, Enerxía e Minas
ANEXO
Con data do 28 de xaneiro de 2002, a Dirección Xeral de Calidade e Avaliación Ambiental formulou a declaración de impacto ambiental (DIA) do parque eólico de referencia.
Con data do 10 de maio de 2002 ten entrada na Consellería de Medio Ambiente o documento titulado parque eólico Penas Grandes. Documentación adicional Ó estudio de impacto ambiental. Abril 2002, presentado polo promotor en cumprimento do requirido nos puntos 11.1 a 11.9 da devandita DIA.
Revisado o citado documento, detectáronse unha serie de modificacións de importancia na configuración do parque, ademais das esixidas na DIA, polo que se lle requiriu ó promotor a presentación dun documento técnico no que se detallasen e xustificasen a totalidade das modificacións introducidas, así como unha avaliación ambiental comparativa respecto da situación inicial.
En resposta a este requirimento, con data 27 de xuño de 2002 recíbense na Consellería de Medio Ambiente os documentos titulados parque eólico Penas Grandes. Documentación adicional Ó estudio de impacto ambiental. Xuño 2002 e Control e seguimiento P. E. Penas Grandes. Informe previo.
Logo do informe das direccións xerais de Patrimonio Cultural e Conservación da Natureza, a antedita documentación recibiu o informe desta Dirección Xeral de Calidade e Avaliación Ambiental, segundo oficio do 10 de setembro de 2002, no que se establece, para os sós efectos ambientais, a planta definitiva que terá o parque eólico.
En consecuencia, esta Dirección Xeral de Calidade e Avaliación Ambiental resolve establecer pola presente resolución a modificación da DIA do parque
eólico Penas Grandes nos termos que a continuación se indican:
No punto 1. Ámbito da declaración, introdúcense as seguintes modificacións:
1. O terceiro parágrafo substitúese polo seguinte:
A localización dos aeroxeradores e infraestructura asociada ó parque eólico será a que se recolle nos planos P. E. Penas Grandes. Detalle de infraestructuras. Data: Xuño/02. Planos PG-OC-01-1 y 2, a escala 1:4.000, incluídos na Documentación adicional ó estudio de impacto ambiental. Xuño 2002.
2. A táboa das coordenadas UTM dos 9 aeroxeradores proxectados substitúese pola seguinte:
Aeroxerador UTM X UTM Y
PG-1 588.423 4.715.045
PG-2 588.693 4.715.134
PG-3 588.885 4.715.426
PG-4 589.067 4.715.695
PG-5 589.434 4.717.303
PG-6 589.618 4.717.490
PG-7 589.772 4.717.632
PG-8 589.808 4.717.793
PG-9 589.846 4.717.954
CONSELLERÍA DE POLÍTICA AGROALIMENTARIA E
DESENVOLVEMENTO RURAL