De acordo coa obriga establecida no artigo 6 da Lei 13/1991, do 9 de decembro, de taxas, prezos e exaccións reguladoras da Comunidade Autónoma de Galicia, foron publicadas no Diario Oficial de Galicia dúas ordes polas que se fixaba o prezo de venda ó público de diversas publicacións.

Neste sentido, en data do 9 de agosto de 2002 publicouse no Diario Oficial de Galicia a Orde do 10 de xullo de 2002 pola que se fixa o prezo de venda ó público da publicación: Manual de primeros auxilios del 061 de Galicia. No artigo único da devandita orde establecíase o prezo desta publicación en 9 euros, IVE incluído.

Así mesmo, en data do 19 de setembro de 2002 publicouse no Diario Oficial de Galicia a Orde do 14 de agosto de 2002 pola que se fixa o prezo de venda ó público da publicación: Manual de primeiros auxilios do 061 de Galicia. No seu artigo único o prezo fixábase en 17,50 euros, IVE incluído.

Tendo en conta o anterior, a Comisión Permanente de Publicacións da Consellería de Cultura, Comunicación Social e Turismo, para evitar unha excesiva diferencia do prezo de venda ó público entre os dous idiomas, considera necesario modificar este, fixando como prezo común para as dúas publicacións o resultante da media entre o custo da edición e o número de exemplares.

Para cumprir este mandato e despois de emitido o preceptivo informe favorable da Consellería de Economía e Facenda, esta consellería, en uso das facultades atribuídas polo artigo 34 da Lei 1/1983, do 22 de febreiro, reguladora da Xunta e do seu presidente

DISPÓN:

Artigo único.

1. Queda aprobado o prezo de venda ó público das publicacións editadas pola Fundación Pública Urxencias Sanitarias de Galicia 061 e que se relacionan no anexo.

2. Estes prezos entenderanse, con IVE incluído.

Disposición derrogatoria

Quedan derrogadas a Orde do 10 de xullo de 2002 pola que se fixa o prezo de venda ó público da publicación: Manual de primeros auxilios del 061 de Galicia e a Orde do 14 de agosto de 2002 pola que se fixa o prezo de venda ó público da publicación: Manual de primeiros auxilios do 061 de Galicia.

Disposición derradeira

A presente orde entrará en vigor o día seguinte ó da súa publicación no Diario Oficial de Galicia.

Santiago de Compostela, 30 de outubro de 2002.

José María Hernández Cochón

Conselleiro de Sanidade

ANEXO I

* Manual de primeros auxilios del 061 de Galicia: 11,12 euros.

* Manual de primeiros auxilios do 061 de Galicia: 11,12 euros.