O Pleno do Concello de Santiago de Compostela, en sesión do 26 de xullo de 2002, aprobou definitivamente a modificación puntual do Plan Xeral de Ordenación Urbana (PXOU) para a creación da ordenanza especial número 6 (OE-6)-Xoán XXIII-Universidade, redactada polos servicios técnicos municipais.
De conformidade co disposto no artigo 48.2º da Lei do solo de Galicia publicouse no BOP número 244, do día 24 de outubro de 2002, o texto íntegro da normativa.
Contra o acordo de aprobación definitiva poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio; alternativamente, poderá interpoñerse recurso potestativo de reposición ante o Pleno do Concello no prazo dun mes, contado desde a mesma data.
De conformidade co previsto no artigo 107.3º da Lei 30/1992, do 26 de novembro, de réxime xurídico das administracións públicas e do procedemento administrativo común, a normativa urbanística ou ordenanzas reguladoras só poderán impugnarse directamente perante o Tribunal Superior de Xustiza de Galicia, no prazo de dous meses, contados a partir do día seguinte ó da publicación deste anuncio.
Santiago de Compostela, 25 de outubro de 2002.
Xosé A. Sánchez Bugallo
Alcalde