Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Fenosa
Domicilio social: avda. Arteixo, 171, 15007 A Coruña.
Denominación: desvío instalacións eléctricas en Oural.
Situación: Sarria.
Características técnicas: L.M.T. aérea a 20 kV de 0,126 km de lonxitude conductor tipo LA-110 con orixe en P-1 proxectado da L.M.T. Ourol-Monforte e final en P-2 existente da L.M.T. Ourol-Monforte. L.M.T. aérea a 20 kV de 0,058 km de lonxitude conductor tipo 2 LA-110 con orixe en P-1 proxectado da L.M.T. Ourol-Chantada e final en P-2 existente da L.M.T. Ourol-Chantada. L.M.T. subterránea a 20 kV de 0,26 km de lonxitude conductor tipo R.H.V. con orixe en apoio proxectado L.M.T. Ourol-Chantada-Monforte e final en apoio existente L.M.T. Ourol-Sarria.
Cumpridos os trámites ordenados na Lei 54/1997, do 27 de novembro, e no título VII do Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran
nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra esta resolución pódese interpoñer recurso de alzada ante o conselleiro de Industria e Comercio no prazo dun mes, contado a partir do día seguinte ó da notificación desta resolución; tamén se pode interpor calquera outro recurso que se considere pertinente.
Lugo, 30 de setembro de 2002.
Jesús Bendaña Suárez
Delegado provincial de Lugo