Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: modificado I L.M.T.A. Coucieiro-As Cañotas.
Situación: Val do Dubra.
Características técnicas: modificación do proxecto de L.M.T.A. Coucieiro-As Cañotas, consistente na instalación da:
-Liña eléctrica aérea de media tensión a 20 kV, sobre apoios metálicos e de formigón e con conductor LA-110, de 704 m de lonxitude, na liña que alimenta o C.T. As Cañotas e final no apoio nº 11 da propia liña.
-Liña das mesmas características de tensión e apoios, con conductor LA-56, de 470 m de lonxitude, con orixe no apoio nº 11 da anterior e final no C.T. Brañas do Mazo.
Centro de transformación tipo intemperie, de 100 kVA e tensións de 20/0,380-0,220 kV en Brañas do Mazo. Concello de Val do Dubra.
Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 27 de setembro de 2002.
Jesús Espada Martínez
Delegado provincial da Coruña