En cumprimento do disposto no artigo 5 do Decreto 442/1990, do 13 de setembro, de avaliación do impacto ambiental para Galicia, faise pública a Resolución do 20 de xuño de 2002 da Dirección Xeral de Calidade e Avaliación Ambiental pola que se modifica a declaración de impacto ambiental do proxecto de parque eólico Couto de San Sebastián,

nos concellos da Estrada e Silleda (Pontevedra), promovido pola empresa Fomensa Hispania, S.L., que se transcribe como anexo a esta resolución.

Santiago de Compostela, 2 de outubro de 2002.

Ramón Ordás Badía

Director xeral de Industria, Enerxía e Minas

Con data 3 de decembro de 2001, a Dirección Xeral de Calidade e Avaliación Ambiental formulou a declaración de impacto ambiental (DIA) do parque eólico de referencia.

Con data 19 de abril de 2002 ten entrada nesta dirección xeral o documento titulado P. E. do Couto de S. Sebastián. Documentación complementaria. (11.1, 11.2 e 11.3 DIA). Abril 2002, presentado polo promotor en resposta ó requirido nos referidos puntos da DIA.

Ó citado documento xúntaselle o escrito do promotor no que comunica que durante a elaboración da documentación adicional se detectou un erro na transcrición das coordenadas UTM dos aeroxeradores (aínda que aparecen correctamente localizados nos planos), indicando que as coordenadas reais son distintas ás que figuraban no proxecto e consecuentemente na DIA. O escrito inclúe unha táboa coas coordenadas correctas.

A citada documentación e escrito presentados polo promotor contan co informe favorable desta dirección xeral, segundo oficio do 20 de xuño de 2002, no que se establece a planta definitiva que terá o parque eólico.

Tendo en conta o antedito, esta Dirección Xeral de Calidade e Avaliación Ambiental resolve establecer pola presente resolución a modificación da DIA nos termos que a continuación se indican:

No punto 1.-Ámbito da declaración, introdúcense as seguintes modificacións:

1. Elimínase o segundo parágrafo.

2. O terceiro parágrafo substitúese polo seguinte:

A localización dos aeroxeradores e infraestructura asociada ó parque eólico será a que se recolle no plano do Parque Eólico do Couto de S. Sebastián (A Estrada e Silleda). Fomensa Hispania, S.L. Documentación complementaria DIA, incluído no documento titulado P. E. do Couto de S. Sebastián. Documentación complementaria. (11.1, 11.2 e 11.3 da DIA). Abril 2002.

3. A derradeira liña da páxina 3 de 29, substitúese por:

«As coordenadas UTM dos 23 aeroxeradores previstos son as seguintes»

4. A táboa de coordenadas UTM dos aeroxeradores substitúese pola seguinte: