O Consello da Xerencia Municipal de Urbanismo, en sesión do día 1 de agosto de 2002, adoptou, entre outros, o seguinte acordo:

Primeiro.-Aprobar inicialmente o proxecto de urbanización da U.E. 1 do PERI 5 Paradela 1-Teis, promovido por David Novoa García, con memoria e planos asinados polos arquitectos Javier Pena e Luis Sáez, visado polo COAG nos días 11-2-2000, 16-3-2000, 12-5-2000 e 16-6-2000 (expediente 4196/401).

Segundo.-No que se refire á zona lindante coa estrada nacional 552, antes da aprobación definitiva do proxecto de urbanización deberá presentarse un estudio xustificativo do cumprimento da orde ministerial do 16 de decembro de 1997, e demais normativa técnica de aplicación ás estradas estatais. Solicitarase tamén da Demarcación de Estradas do Estado en Galicia a emisión dun novo informe ó respecto.

Terceiro.-Abrir un trámite de información pública polo prazo dun mes mediante publicación de anuncio no Diario Oficial de Galicia e nun dos xornais de maior circulación na provincia, con notificación individualizada do contido íntegro deste acordo a tódolos propietarios do polígono e á Demarcación de Estradas do Estado en Galicia, na forma prevista nos artigos 58 e 59 da Lei 30/1992, do 26 de novembro.

Procédese ó trámite de información pública do expediente. O prazo entenderase aberto desde a primeira publicación, ata o remate do mes, contado

desde o día seguinte da derradeira publicación. O expediente está a disposición do público no Departamento de Información Urbanística da Xerencia de Urbanismo (planta baixa do edificio da xerencia).

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados.

Vigo, 5 de setembro de 2002.

Carlos González Príncipe

Alcalde-presidente accidental da Xerencia

Municipal de Urbanismo