Aprobados pola Comisión Municipal de Goberno deste concello os pregos de cláusulas administrativas particulares que rexerán na contratación, polo procedemento aberto e sistema de concurso, das obras de construcción da casa do concello 4ª fase, expoñéndose ó público polo prazo de oito días hábiles contados desde a inserción deste anuncio no BOP e no DOG para os efectos previstos no artigo 122.1º do Real decreto lexislativo 781/1986, do 18 de abril.

Declarada a urxencia do procedemento de contratación, de conformidade co establecido no artigo 71 do Real decreto lexislativo 2/2000 e 322 da Lei 5/1997, do 22 de xullo, e con base no disposto no artigo 122.2º do Real decreto lexislativo citado, anúnciase ó mesmo tempo que os pregos de cláusulas administrativas particulares a licitación das obras, que quedará aprazada, se houbese reclamacións, ata a súa resolución.

1. Entidade adxudicadora: Concello de Abadín.

2. Obxecto do contrato: construcción da casa do concello, 4ª fase.

3. Lugar de execución: Abadín.

4. Prazo de execución: tres meses.

5. Tramitación, procedemento e forma de adxudicación.

a) Tramitación: urxente.

b) Procedemento: aberto.

c) Forma: concurso.

6. Orzamento base de licitación: 195.329 euros.

7. Garantía provisional: 2% do tipo de licitación.

8. Obtención de documentación e información.

a) Entidade: Concello de Abadín.

b) Localidade: Abadín.

c) Código postal: 27730.

d) Teléfonos: 982 50 80 21.

e) Fax: 982 50 80 51.

f) Data límite de obtención de documentación: último día de presentación da documentación.

9. Requisitos específicos do contratista.

a) Clasificación: non se esixe.

b) Solvencia económica, financeira, técnica e profesional: deberase acreditar de conformidade co sinalado nos artigos 16 e 17 do Real decreto lexislativo 2/2000.

10. Presentación de ofertas.

a) Data límite da presentación: 13 días naturais contados desde o seguinte ó da inserción deste edicto no DOG.

b) Documentación que hai que presentar: a sinalada no punto 13 dos pregos.

c) Lugar de presentación: Concello de Abadín.

11. Apertura das ofertas: o seguinte día hábil a aquel en que finalice o prazo de presentación das proposicións abrirase a documentación xeral. Se é sábado, realizarase o seguinte día hábil.

A apertura das proposicións, coas melloras e oferta económica realizarase o sexto día hábil contado desde o seguinte ó da apertura da documentación xeral. Se é sábado, realizarase o seguinte día hábil.

12. Gastos de anuncios: por conta do adxudicatario.

Abadín, 30 de outubro de 2002.

José María López Rancaño

Alcalde