Examinado o expediente instruído por pedimento de Frinsa Eólica, S.A. con CIF A15707896, e enderezo para efectos de notificacións en Gandariñas-Saíñas-Palmeira, 15959 Ribeira, A Coruña, sobre autorización das instalacións do parque eólico denominado Monte San Alberto (proxecto modificado nº 1); resultan os seguintes

Antecedentes de feito:

Primeiro.-O 29 de decembro de 2000, Ramiro Carregal Rey, en nome e representación de Frinsa Eólica, S.A. solicitou a autorización administrativa, aprobación do proxecto de execución e declaración

de impacto ambiental do parque eólico denominado Monte San Alberto, de 15,60 MW, achegando a documentación establecida para o efecto polo Decreto 2617/1966, do 20 de outubro, sobre autorización de instalacións eléctricas, de aplicación a este expediente, en virtude do disposto na disposición transitoria undécima do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica e o Decreto 205/1995, do 6 de xullo, polo que se regula o aproveitamento da enerxía eólica na Comunidade Autónoma de Galicia, de aplicación a este expediente en virtude do disposto na disposición transitoria terceira do Decreto 302/2001, do 25 de outubro, polo que se regula o aproveitamento da enerxía eólica na Comunidade Autónoma de Galicia.

Segundo.-As características básicas do mencionado proxecto son:

Nº de aeroxeradores: 12.

Potencia unitaria por aeroxerador: 1.300 kW.

Potencia total instalada: 15,6 MW.

Altura das torres: 60 metros.

Diámetro das pas: 62 metros.

Producción neta anual prevista: 37.232 MWh/ano.

Investimento previsto: 11.749.786,64 A.

A superficie, así como os municipios afectados, indícanse mediante as súas coordenadas poligonais referidas á cartografía oficial da Xunta de Galicia:

Nome	Municipios	Vértices
	X	Y

Monte San Alberto	Ribeira (A Coruña)	V1	500.466	4.715.895
		V2	500.530	4.715.943
		V3	500.677	4.715.764
		V4	500.819	4.715.761
		V5	501.048	4.715.871
		V6	501.132	4.715.824
		V7	500.922	4.715.660
		V8	500.924	4.715.477
		V9	500.861	4.715.460
		V10	500.641	4.715.489
		V11	500.601	4.715.313
		V12	500.519	4.714.972
		V13	500.511	4.714.749
		V14	500.447	4.714.683
		V15	500.398	4.714.395
		V16	500.275	4.714.087
		V17	500.140	4.714.063
		V18	500.130	4.714.176
		V19	500.185	4.714.400
		V20	500.204	4.714.545
		V21	500.294	4.714.701
		V22	500.312	4.714.894
		V23	500.323	4.715.112
		V24	500.445	4.715.329
		V25	500.547	4.715.673

Características técnicas:

Rede eléctrica subterránea de media tensión a 20 kV realizada en conductor RHZ1 12/20 kV 3x(1x300) mm Al para interconexión dos aeroxeradores e estes coa subestación transformadora.

Subestación transformadora intemperie equipada con transformador de 20 MVA e relación de transformación 66/20 kV, liña subterránea de interconexión entre o transformador e as celas de media tensión a 20 kV, transformador de servicios auxiliares de 100 kVA e relación 20/0,4 kV, aparellos de medida, protección e control.

Terceiro.-O proxecto someteuse a información pública para os efectos previstos no Decreto 2617/1966, a Lei 54/1997, do 27 de novembro, do sector eléctrico, o Decreto 327/1991, do 4 de outubro, de avaliación de efectos ambientais para Galicia, Decreto 442/1990, do 13 de setembro, de avaliación do impacto ambiental para Galicia e Decreto 205/1995, do 6 de xullo, mediante resolución da Delegación Provincial de Industria da Coruña do 15-2-2001, publicada no DOG do 1 de marzo, no diario de La Voz de Galicia do 19 de abril, no BOP da Coruña do 3 de marzo e no taboleiro de anuncios do Concello de Ribeira (A Coruña ).

Durante o período de información pública presentáronse as seguintes alegacións:

1. O grupo ecoloxista Adega-Barbanza alega que o citado parque eólico vai afectar negativamente ós xacigos arqueolóxicos da zona, producir impacto paisaxístico negativo, afección á avifauna da zona e ruído nunha zona próxima ó núcleo urbano. Acompañan informe sobre a afección ó conxunto megalítico de Santo Alberte.

2. O grupo Nacionalista do Concello de Ribeira alega que debido á proximidade á cidade increméntase a contaminación acústica e visual e que o estudio de impacto ambiental é incompleto. Solicitan a localización do parque.

3. A Asociación Cultural e Deportiva Pedra das Cabras alega que se produce un impacto irreversible no patrimonio, ademais do impacto acústico e visual e que o impacto socioeconómico é nulo.

4. Jaime García Leyra e outros 236 más alegan impacto visual e acústico e que o interese público da citada instalación é inexistente.

As alegacións ambientais foron remitidas ó órgano ambiental e consideradas na declaración de efectos ambientais do citado parque.

Cuarto.-O 10-4-2002 o promotor presenta solicitude de declaración de utilidade pública, en concreto, do parque eólico, achegando a documentación establecida para o efecto polo Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica e o Decreto 205/1995, do 6 de xullo, polo que se

regula o aproveitamento da enerxía eólica na Comunidade Autónoma de Galicia.

Quinto.-O expediente incluiuse de forma automática dentro do conxunto de solicitudes presentadas á primeira convocatoria anual do artigo 15 do Decreto 302/2001. Por Resolución do 19 de abril desta consellería acordouse que proseguise a tramitación administrativa de autorización deste parque eólico.

Sexto.-O 3-5-2002 o promotor presenta modificado de parcelario de propietarios afectados polo citado parque.

Sétimo.-O modificado do proxecto someteuse a información pública para os efectos previstos na Lei 54/1997, do sector eléctrico, Real decreto 1955/2000, Decreto 205/1995, xa mencionados, mediante resolución da Delegación Provincial de Industria da Coruña do 3 de maio de 2002, publicada no DOG do 27 de maio, no BOP da Coruña do 28 de maio e o diario La Voz de Galicia do 16 de maio de 2002, e no taboleiro de anuncios do Concello de Ribeira (A Coruña).

Durante o período de información pública presentáronse as seguintes alegacións:

1. Dolores Lema Pérez, comuneira da Comunidade de Monte Veciñal en Man Común San Martín de Oleiros e outros 84 comuneiros máis, así como Encarnación Rivas Sampedro e outros 53 afectados máis alegan:

Que existe indefensión por non ter acceso ó expediente; que o procedemento administrativo non se axusta á legalidade; que transcorreu o prazo para que o conselleiro de Industria e Comercio dicte resolución, enténdese que o silencio administrativo é denegatorio; que se vulnera a lexislación urbanística de aplicación e o planeamento municipal, que se producen danos á necrópole megalítica da zona e ó contorno turístico e patrimonial; que os Montes en Man Común teñen de por si utilidade pública e polo tanto existe concorrencia de utilidades públicas; que existen terreos de dominio público polos que pode instalarse a liña, que a lexislación actual recoñece a posibilidade de instalación de parques singulares, cun maior beneficio social para a zona; que non se produciu acordo con ningún dos afectados e que a instalación do parque eólico non redundará en ningún beneficio socioeconómico para a zona, incluso podería supo-la perda de postos de traballo ó pecharse a actual planta de coxeración.

Fan as seguintes observacións particulares relativas ás afeccións:

-Carlos Hernández López, en representación de María Laranga Bretal, indicando que ela é a propietaria do predio número 22.

-Carmen Millán González e Encarnación Millán González indicando que o predio é propiedade de 4 persoas máis que non foron notificadas.

-Cipriano Sampedro Ayaso, Ricardo Mariño Hermo e Eugenio Fernández Domínguez, indicando que existen unhas cualificacións erróneas do cultivo dos seus predios.

-Juan Sieira Crujeiras indicando que existe un erro no nome do propietario do predio nº 19, posto que aparece a nome de herdeiros de Juan Sampedro Rama.

2. Fins Eirexas Santamaría, en representación de Adega-Barbanza, presenta alegacións indicando que a instalación do parque vai afectar negativamente ó contorno megalítico da zona, producirá unha degradación visual da zona, provocará impactos negativos sobre a biodiversidade e sobre o ecosistema do complexo húmido de Corrubedo; que se incumpren as distancias mínimas fixadas pola modificación do Plan Sectorial Eólico de Galicia e das normas urbanísticas do Concello de Ribeira en canto a usos do chan; que a instalación do parque responde a un interese puramente especulativo, posto que Frinsa xa posúe unha planta de coxeración que produce máis enerxía da que precisa para o seu proceso productivo; que nos montes onde se pretende implanta-lo parque concorren outros intereses públicos e existen irregularidades no procedemento administrativo. Xunto coa alegación presenta un informe titulado Informe encol da afectación do conxunto megalítico de Santo Alberte polo proxecto (modificado) de

parque eólico de Frinsa Eólica, S.A.

3. José Luis Fernández Lema, en representación da A.V.V Dolmen de Axeitos, presenta alegacións indicando que coa instalación do parque eólico se deteriora a paisaxe do concello de Ribeira; que afectará á necrópole megalítica do monte de Santo Alberto; que na declaración de impacto ambiental non se valora a incidencia na fauna da zona; que existen aeroxeradores a unha distancia menor de 500 metros de núcleos urbanos minorando a calidade de vida dos veciños, que se antepoñen intereses dunha empresa privada ós intereses de entidades públicas como son o concello e comunidades de montes en man común, que o promotor non solicitou a declaración de utilidade pública simultaneamente coa autorización da instalacións de acordo ó Decreto 205/1995 e 302/2001; que o Monte en Man Común de Oleiros xa ten recoñecida a utilidade pública.

4. Xohán Xosé Fernández Callón, como responsable local do BNG en Ribeira, presenta alegacións indicando que o obxectivo do parque eólico é a producción de enerxía eléctrica para unha empresa particular, que non redundará en ningún beneficio social para o contorno, prexudicando notablemente a zona do Monte de San Alberto; que xa existe un aproveitamento masivo da enerxía eólica que engrosa a cantidade de enerxía non imprescindible para Galicia, polo que non se pode considerar xustificada a súa utilidade pública por razóns de interese xeral; que o monte de San Alberto xa cumpre unha función de utilidade pública (uso público) que se vería afectado pola construcción do parque; que neste monte existe a ermida de San Alberto que se vería afectada

pola construcción do parque e que a construcción do parque afectaría ó contorno natural de Corrubedo incluído na orde da Consellería de Medio Ambiente do 7 de xuño de 2001, como espacio natural en réxime de protección ambiental.

Oitavo.-O 18 de xuño de 2002, a Dirección Xeral de Calidade e Avaliación Ambiental resolveu aproba-la declaración de efectos ambientais do citado parque eólico.

Noveno.-O 15 de xullo de 2002 o promotor solicitou o recoñecemento da condición de instalación acollida ó réxime especial de producción de enerxía eléctrica do parque eólico denominado Monte San Alberto, achegando a documentación requirida polo Real decreto 2818/1998, do 23 de decembro, sobre producción de enerxía eléctrica por instalacións abastecidas por recursos ou fontes de enerxía renovables, residuos e coxeración e xustificante de ter aboadas as taxas.

Décimo.-O 9 de setembro de 2002, Frinsa Eólica, S.A. achegou copia do acordo alcanzado coas comunidades de montes en Man Común de Oleiros e de Artes.

Undécimo.-A Delegación Provincial da Consellería de Industria e Comercio da Coruña informou favorablemente a autorización administrativa do citado parque eólico.

Fundamentos de dereito:

Primeiro.-A Dirección Xeral de Industria, Enerxía e Minas é competente para resolver este expediente con fundamento no Estatuto de autonomía de Galicia, Real decreto 2563/1982, do 24 de xullo, o Decreto 132/1982, do 4 de novembro e o Decreto 15/2002, do 24 de xaneiro, polo que se establece a estructura orgánica da Consellería de Industria e Comercio, en relación co Real decreto 1955/2000, do 1 de decembro, Decreto 302/2001, do 25 de outubro, e o Real decreto 2818/1998, do 23 de decembro, xa citados.

Segundo.-Á vista das alegacións presentadas, da contestación dada a estas por parte da empresa promotora e do resto de documentación que consta no expediente, queda de manifesto que:

1. En canto ás alegacións relativas ós impactos paisaxísticos, ruídos, xacigos arqueolóxicos, socioeconómico e lugares de interese, cabe dicir que xa foron obxecto de avaliación na declaración de efectos ambientais.

2. Con respecto ás alegacións referidas a posibles erros na determinación de servidumes, así como na natureza dos terreos afectados, estas tomaranse en consideración cando se proceda ó levantamento de actas de ocupación, ó que serán oportunamente convocados, incluíndose na correspondente folla de aprecio, unha vez sexa declarada a utilidade pública.

3. Con respecto a posibles erros na titularidade dos predios afectados pola instalación do proxecto, cabe dicir que a empresa beneficiaria tomará razón

destas. Non obstante, será durante o levantamento de actas, ó que será oportunamente convocado, o momento no que pode demostra-la titularidade destas, achegando a documentación acreditativa necesaria, unha vez sexa declarada a utilidade pública.

4. En relación coas alegacións formuladas por Jaime García Leyra e outros:

-Segundo o artigo 52 da Lei 54/1997, do 27 de novembro, do sector eléctrico, decláranse de utilidade pública as instalacións eléctricas de xeración, transporte e distribución de enerxía eléctrica, para os efectos de expropiación forzosa dos bens e dereitos necesarios para o seu establecemento e da imposición e exercicio de servidumes de paso.

-En canto á concorrencia de utilidades públicas, non se pode analiza-la posibilidade de prevalencia dunha instalación sobre outra, ata que ambas dispoñan da declaración de utilidade pública.

-O proxecto estivo exposto ó público no concello de Ribeira segundo consta no certificado de exposición ó público de data 24-6-2002 e na Delegación Provincial de Industria da Coruña.

-En canto á alegación da liña, esta será tida en conta no seu correspondente expediente.

5. As alegacións de carácter urbanístico non son competencia desta consellería polo que o concello deberá telas en conta á hora de outorga-la licencia municipal.

6. Non podemos acepta-la alegación referida á distancia dos aeroxeradores ás vivendas, xa que segundo o estudio de impacto ambiental, o nivel de presión acústica recollido estará por debaixo dos límites legais permitidos.

7. En relación coa alegación formulada por Fins Eirexas Santamaría, en representación de Adega-Barbanza, relativa á distancia mínima fixada pola modificación do Plan Sectorial Eólico de Galicia, hai que manifestar que non se poden impoñer estes valores, xa que esta non foi aprobado ata a data.

8. Non podemos acepta-la alegación formulada por José Luis Fernández Lema en representación da A.A. Dolmen de Axeitos xa que tanto o Decreto 205/1995, como o 302/2001, permiten que se solicite conxuntamente a autorización administrativa e a declaración de utilidade pública pero non impoñen a obriga de facelo.

Terceiro.-No expediente instruído para o efecto cumpríronse os trámites regulamentarios. Así mesmo, a instalación e o seu proxecto de execución reúnen tódolos requisitos técnicos esixibles.

Esta dirección xeral, de acordo co que antecede e no exercicio das competencias que ten atribuídas,

RESOLVE:

-Autorizar a Frinsa Eólica, S.A. a instalación dos equipos electromecánicos do parque eólico denominado Monte San Alberto (proxecto modificado

nº 1), para unha potencia de 15,6 MW, que se situará no Concello de Ribeira (A Coruña).

-Aproba-lo proxecto de execución da dita instalación.

-Recoñecer a esa instalación, a condición de instalación acollida ó réxime especial do Real decreto 2818/1998, e incluíla no grupo b.2) do artigo 2 do dito real decreto.

Todo iso de acordo coas condicións seguintes:

Primeira.-Frinsa Eólica, S.A., para os efectos de garanti-lo cumprimento das súas obrigas, deberá constituír, no prazo dun mes contado desde o outorgamento desta autorización, unha fianza de 234.995,73 A, importe do 2% do orzamento que figura no expediente para garanti-lo cumprimento das súas obrigas, conforme o disposto no artigo 19 do citado Decreto 302/2001, do 25 de outubro.

A citada fianza constituirase na Caixa Xeral de Depósitos da Consellería de Economía e Facenda da Xunta de Galicia, en calquera das formas sinaladas no artigo 1.1º, epígrafe 39 do Decreto 1775/1967, do 22 de xullo, e será devolta unha vez se formalice a acta de posta en marcha das instalacións.

Segunda.-As instalacións que se autorizan terán que realizarse de acordo coas especificacións e planos que figuran no proxecto presentado pola empresa cun orzamento de 11.749.786,64 A.

Terceira.-Para introducir modificacións nas instalacións que afecten a datos básicos do proxecto será necesaria a previa autorización desta Dirección Xeral de Industria, Enerxía e Minas. Así mesmo, a Delegación Provincial de Industria e Comercio da Coruña poderá autoriza-las modificacións de detalle do proxecto que resulten procedentes, debendo comunicar a esta dirección xeral tódalas resolucións que dicte en aplicación da dita facultade.

Cuarta.-O prazo para a posta en marcha das instalacións que se autorizan será de dezaoito meses, contados a partir da data de ocupación dos terreos.

Quinta.-Como requisito necesario para a aplicación á citada instalación do réxime especial, o promotor deberá inscribir esta no Rexistro de Instalacións de Producción de Enerxía Eléctrica en Réxime Especial da Comunidade Autónoma de Galicia, creado pola orde da Consellería de Industria e Comercio do 5 de xuño de 1995 (DOG do 14 de xullo), para o que acreditará o cumprimento das condicións previstas no artigo 12 do Real decreto 2818/1998, presentando a documentación que figure nas instruccións que dicte esta dirección xeral en desenvolvemento da dita orde. O parque conectarase co sistema de captación e procesamento de datos de producción enerxética de Galicia regulado por Orde do 29 de xullo de 2002 (DOG do 13 de agosto).

Sexta.-Con carácter previo á posta en marcha das instalacións, o órgano competente verificará o cumprimento dos condicionados impostos nesta resolu

ción e na declaración de efectos ambientais do 18 de xuño de 2002, así como aquelas que no seu día se emitan conforme o disposto no artigo 3.2º do Decreto 327/1991, do 4 de outubro, de avaliación de efectos ambientais para Galicia.

Sétima.-A Administración resérvase o dereito de deixar sen efecto esta autorización por calquera das causas establecidas no artigo 34 do Decreto 1775/1967, do 22 de xullo, por incumprimento das condicións impostas ou por calquera outra causa excepcional que o xustifique.

Oitava.-Esta autorización outórgase sen prexuízo de terceiros e independentemente das autorizacións, licencias ou permisos de competencia municipal, provincial ou outros necesarios para a realización das obras das instalacións autorizadas.

Contra esta resolución, que non é definitiva en vía administrativa, cabe interpoñer recurso de alzada ante o conselleiro de Industria e Comercio, no prazo dun mes contado a partir do día seguinte ó da notificación desta resolución, sen prexuízo de que os interesados poidan interpoñer calquera outro recurso que estimen pertinente.

Santiago de Compostela, 25 de outubro de 2002.

Ramón Ordás Badía

Director xeral de Industria, Enerxía e Minas