De conformidade co disposto nos artigos 48.1º da Lei de expropiación forzosa do 16 de decembro de 1954, e 48.2º, 49, 50 e 51 do seu Regulamento do 26 de abril de 1957, esta delegación acorda sinala-lo día 14 de novembro de 2002, a partir das 11 horas, para que o pagador da entidade beneficiaria Unión Fenosa Distribución, S.A., teléfono 981 17 87 00 sres. Moris ó Trashorras, con enderezo na avda. de Arteixo nº 171, 15007 (A Coruña), proceda nas oficinas da Casa do Concello de Cerdido, os pagamentos dos prezos xustos e xuros, por expropiación e imposición de servidumes de paso da liña eléctrica aérea a 20 kV, C.T. e R.B.T. no lugar de Torre (expte. 114/1998), ós interesados propostos como titulares dos predios afectados, ós que se lles dirixirá notificación individual para o efecto.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así dirixir ó Ministerio Fiscal as dilixencias que se produzan destes, de conformidade co artigo 5 da citada Lei de expropiación forzosa.

A Coruña, 25 de setembro de 2002.

Jesús Espada Martínez

Delegado provincial da Coruña