Vistas as peticións de prórroga das concesións que se citan no anexo, resulta:
Antecedentes de feito.
Primeiro.-Por orde do Ministerio de Comercio do 7 de outubro de 1975 (BOE nº 254) outórganse 930 concesións administrativas para a instalación doutros tantos parques de cultivo de moluscos na zona do Carril, distrito marítimo de Vilagarcía de Arousa, a precario e por un prazo de 10 anos, prorrogables por petición dos interesados.
Por Orde do 29 de outubro de 1984, (DOG número 235) outórgase concesión administrativa para instalar un parque de cultivo de ameixas e berberechos no distrito marítimo de Vilagarcía de Arousa, a favor de Carlos e José Eiras Barreiro, cunha superficie de 2.173,50 metros cadrados.
Por Orde do 31 de maio de 1978, (BOE número 164) outórgase concesión administrativa para instalar un parque de cultivo de ameixas e berberechos no distrito marítimo de Vilagarcía de Arousa, a favor de Crespo, Rivas y Varela, S.L., cunha superficie de 2.357,50 metros cadrados.
Por Orde do 29 de xullo de 1985, (DOG número 153) outórgase concesión administrativa para instalar un parque de cultivo de ameixas e berberechos no distrito marítimo de Vilagarcía de Arousa, a favor de Joaquín Crespo Varela, cunha superficie de 1.870 metros cadrados.
Segundo.-Mediante Decreto 158/1991, do 16 de maio, declárase de interese marisqueiro e urxente
execución a revisión e reordenación dos citados parques de cultivo, co obxecto de proceder a unha regularización da situación de feito existente, á revisión das circunstancias de titularidade dos parques e á oportuna reordenación que adecue a súa situación e superficie a unha explotación máis racional dos recursos.
Terceiro.-Aprobada a fase de revisión do citado proceso por resolución da Dirección Xeral de Marisqueo e Acuicultura do 26 de decembro de 1995, cómpre proceder ó inicio da fase de reordenación, da que xurdirán as novas concesións, para o que resulta inescusable desestimar, neste momento do proceso, tales peticións de prórroga.
Fundamentos xurídicos.
Primeiro.-Este órgano é competente para resolver tales peticións de conformidade co disposto no Real decreto 3318/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de pesca e na Lei 6/1993, do 11 de maio, de pesca de Galicia.
Segundo.-Tendo en conta que o prazo de vixencia das concesións administrativas que amparan os citados parques expirou, e que de conformidade co disposto na letra C do artigo 72 da Lei 6/1993, do 11 de maio, as concesións se extinguirán polo vencemento do prazo de outorgamento sen que se solicitase e se concedese prórroga.
Por todo o anterior, esta consellería, facendo uso das súas atribucións e competencias, acorda denega-las prórrogas solicitadas e proceder, de conformidade co artigo 72 da Lei 6/1993, do 11 de maio, á extinción das concesións relacionadas no anexo a esta orde.
Contra esta resolución, que esgota a vía administrativa, poderase interpoñer recurso potestativo de reposición, no prazo dun mes, ante o conselleiro de Pesca e Asuntos Marítimos, ou recurso contencioso-administrativo, que se interporá no prazo de dous meses ante a xurisdicción contencioso-administrativa; ámbolos dous prazos contaranse desde o día seguinte ó da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, de réxime xurídico das administracións públicas e do procedemento administrativo común e o artigo 46.1º de la Lei 29/1998, do 13 de xullo, da xurisdicción contencioso-administrativa.
Disposición derradeira
Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 11 de setembro de 2002.
Enrique César López Veiga
Conselleiro de Pesca e Asuntos Marítimos
ANEXO
1. Orde do 7 de outubro de 1975 pola que se outorgan 930 concesións administrativas para instalación doutros tantos parques de cultivo de moluscos na zona do Carril, distrito marítimo de Vilagarcía de Arousa.
PARCELA Nº NOME SUPERFICIE M
60 JOSE REY MANEIRO 216
108 JOAQUINA BALTAR TEIJEIRO 120
153 Mª DEL CARMEN ARAUJO NUÑEZ 272
224 FLORA RIOS DEL RIO 32
297 LAUREANO NUÑEZ LINARES 64
344 CARMEN CERQUEIRAS DEL RIO 45
412 CARMEN CERQUEIRAS DEL RIO 54
515 Mª LUISA CONDE MANEIRO 74
563 CARLOS RIVAS FERNANDEZ 70
623 DOLORES DIOS RIAL 376
644 LAUREANO NUÑEZ LINARES 93
645 LAUREANO NUÑEZ LINARES 83
657 ANTONIO FERNANDEZ SANTOS 168
798 ELVIRA MILLAN RODRIGUEZ 381
802 ANTONIO BARREIRO CASTAÑO 518
902 SALUSTIANO DAVILA LAMON 1.101
914 CARLOS ALFONSO LEMA 254
916 CARLOS ALFONSO LEMA 20
920 RAMON REY TORRADO 182
927 JOAQUIN OLIVEIRA ALMEIDA 810
929 CONSTANTINO PEREIRA VIGO 754
931 MARIA GONZALEZ FERNANDEZ 1.081
932 RAMON BOUZAS CARBALLO 563
933 MANUEL DIOS MARQUEZ 205
934 JOSE LUIS REY SANMARTIN 517
2. Orde do 29 de outubro de 1984, (DOG número 235) pola que se outorga concesión administrativa para instalar un parque de cultivo de ameixas e berberechos no distrito marítimo de Vilagarcía de Arousa, a favor de Carlos e José Eiras Barreiro, cunha superficie de 2.173,50 metros cadrados.
PARCELA Nº NOME SUPERFICIE M
EXP. 5454 CARLOS E JOSE EIRAS BARREIRO 2.173,50
3. Orde do 31 de maio de 1978, (DOG número 164) pola que se outorga concesión administrativa para instalar un parque de cultivo de ameixas e berberechos no distrito marítimo de Vilagarcía de Arousa, a favor de Crespo, Rivas y Varela, S.L. cunha superficie de 2.357,50 metros cadrados.
PARCELA Nº NOME SUPERFICIE M
EXP. 9059 CRESPO, RIVAS Y VARELA, S.L. 2.357,50
4. Orde do 29 de xullo de 1985, (DOG número 153) pola que se outorga concesión administrativa para instalar un parque de cultivo de ameixas e berberechos no distrito marítimo de Vilagarcía de Arousa, a favor de Joaquín Crespo Varela, cunha superficie de 1.870 metros cadrados.
PARCELA Nº NOME SUPERFICIE M
EXP. 5461 JOAQUIN CRESPO VARELA 1.870