Na sesión que tivo lugar o día 18 de outubro de 2002, o tribunal designado pola Orde do 25 de abril de 2002, da Consellería da Presidencia, Relacións Institucionais e Administración Pública, para xulga-lo proceso selectivo para o acceso ó corpo facultativo de grao medio da Xunta de Galicia (grupo B), escala de enxeñeiros técnicos industriais, convocado pola Orde do 8 de outubro de 2001, acordou:
O cuarto exercicio da fase de oposición realizarase o día 25 de novembro de 2002, ás 16 horas, na aula nº 11 da Escola Galega de Administración Pública, situada no polígono das Fontiñas; rúa de Madrid 2-4, en Santiago de Compostela, en chamamento único.
De acordo co disposto na base II.2.2 da orde de convocatoria, para a realización deste exercicio poderán servirse os opositores de textos legais sen comentarios, excluíndose os libros de consulta.
Os aspirantes deberán ir provistos de DNI ou documento fidedigno acreditativo da súa identidade, ó xuízo do tribunal.
Santiago de Compostela, 24 de outubro de 2002.
Ramón Ordás Badía
Presidente do tribunal