Demanda de financiamento axustada ós seguintes termos:
-Modalidade: préstamo.
-Importe: ata 14.629.000 euros (2.434.060.794 de pesetas).
-Período de disposición: ata 6 meses nunha ou varias disposicións.
-Moeda: euros.
-Modalidades:
* Opción A: tipo de xuro variable referenciado a euribor a 3 meses.
Prazo: entre 7 e 10 anos (incluída carencia).
Carencia: 2 anos.
* Opción B: tipo de xuro fixo.
Prazo: entre 7 e 10 anos (incluída carencia).
Carencia: 2 anos.
* Opción C: calquera estructura que a entidade financeira considere que pode ser de interese para a Sociedade Pública de Investimentos de Galicia, S.A.
Prazo: entre 7 e 10 anos (incluída carencia).
Carencia: 2 anos.
(Sociedade Pública de Investimentos de Galicia, S.A. reserva para si, en función dos importes ofertados, o dereito a optar por calquera das tres opcións ou ben calquera das combinacións entre elas).
-Garantías: as que se deriven do convenio marco e do PEF global de 2002 aprobado polo Consello da Xunta de Galicia o 15 de maio de 2002. O contrato que se asine poderá incluír dentro das causas de vencemento anticipado a modificación substancial do accionariado de Sociedade Pública de Investimentos de Galicia, S.A.
Presentación de ofertas:
As ofertas dirixiranse en sobre pechado á atención do presidente de Sociedade Pública de Investimentos de Galicia, S.A., praza de Europa, 10 A-5º, 15703 Santiago de Compostela, facendo constar nel, na marxe superior esquerda, o seguinte: «Oferta préstamo outubro 2002».
Prazo de presentación de ofertas:
As ofertas deberán presentarse antes das 12 horas do día 11 de novembro de 2002 no rexistro de Sociedade Pública de Investimentos de Galicia, S.A.
O/os mandato/s serán outorgado/s no prazo máximo de 8 días, contados desde a finalización do período de presentación de ofertas.
Santiago de Compostela, 21 de outubro de 2002.
Juan José Novoa Montero
Presidente de Sociedade Pública
de Investimentos de Galicia, S.A.