A Comisión de Goberno, en sesión de vintetrés de setembro de dous mil dous, acordou prestar aprobación definitiva ó proxecto de urbanización dun tramo da rúa do Gorgullón e primeira travesía, promovido, mediante iniciativa particular, por José Benito Ameijeiras Escariz, actuando en nome e representación de Benifran, Sociedad Limitada, visado pola Delegación en Pontevedra do COAG con data 8-9-2000, memoria reformada e planos números 2, 4, 5, 6, 10, 12 e 13, con data de visado colexial do 6-6-2001, e planos números 3 e 4, con data de visado colexial do 25-1-2002, e planos números 12, con data de visado colexial do 25-3-2002, e números 3 e 4, con data de visado colexial do 24-5-2002, documentación que anula e substitúe á súa correlativa anteriormente presentada, toda ela redactada polo arquitecto Ricardo Aguilar Argenti.

O que se fai público para a súa executividade, subliñándose que contra este acto administrativo, que pon fin á vía administrativa, poderase interpoñer ben o recurso potestativo de reposición perante o mesmo órgano que a dictou e no prazo dun mes contado desde o día seguinte ó da súa modificación, consonte co establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso-administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 13 de xullo.

De se interpoñe-lo recurso potestativo de reposición, este deberá ser resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º desa Lei 30/1992, podéndose entón interpoñer recurso contencioso-administrativo dentro do prazo de seis meses contado desde o día seguinte daquel no que se deba entender presuntamente desestimado o recurso de reposición interposto, conforme o establecido no artigo 46.1º e 4º da Lei 29/1998.

Non obstante, tamén se poderá interpoñer calquera outro recurso que os interesados estimen procedentes consonte dereito.

Pontevedra, 2 de outubro de 2002.

Xosé Cesáreo Mosquera Lorenzo

Alcalde acctal.

Julio Dapena Outomuro

Secretario xeral