Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: L.M.T.A., C.T. A Telleira, A Laxe (Vilasantar).
Situación: Vilasantar.
Descricións técnicas: liña eléctrica aérea de media tensión a 20 kV, sobre apoios de formigón e con conductor núo LA-56, de 16 m de lonxitude, con orixe no apoio nº 2 da liña denominada Mezonzo e final no C.T. A Telleira, A Laxe, que se vai instalar.
Centro de transformación, tipo intemperie de 25 kVA e tensións de 20/0,380-0,220 kV, na Telleira, A Laxe. Concello de Vilasantar.
Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 20 de setembro de 2002.
Jesús Espada Martínez
Delegado provincial da Coruña