1. Entidade adxudicadora.
Organismo: Consellería de Industria e Comercio.
Dependencia que tramita o expediente: Dirección Xeral de Tecnoloxía e Desenvolvemento Sectorial.
Número de expediente: 10/02 DXT.
2. Obxecto do contrato.
Descrición do obxecto: conceptualización, deseño e desenvolvemento do contido do Centro Galego da Artesanía e do Deseño.
3. Tramitación, procedemento e forma de adxudicación.
Tramitación: ordinaria.
Procedemento: restrinxido (artigo 91 do TRLCAP) con intervención de xurado (artigo 216 do TRLCAP).
Forma: concurso de ideas.
4. Premios.
A presentación dos traballos na segunda fase de concurso, sempre que cumpran as condicións determinadas nas bases e o xurado non considere baixa a súa calidade, suporá un aboamento por parte da Consellería de Industria e Comercio, a cada unha das empresas participantes, de 5.000 euros. O xurado outorgará un único premio, que levará aparellado un aboamento adicional de 15.000 euros, ademais do aboamento citado de 5.000 euros.
5. Garantías.
Provisional: exento.
6. Obtención de documentación e información.
Entidade: Consellería de Industria e Comercio.
Domicilio: San Caetano s/n, bloque 5-4ª planta.
Localidade e código postal: Santiago de Compostela, 15781.
Teléfono: 981 54 54 48.
Fax: 981 54 49 49.
Así mesmo, tamén se poderán obte-los pregos relativos a esta contratación no seguinte enderezo da Internet: http://www.xunta.es/contratacion.
Data límite de obtención de documentos e información: durante o prazo de presentación de solicitudes de participación en días e horas hábiles de oficina.
7. Presentación das solicitudes de participación.
Data límite de presentación: dez días naturais contados desde o día seguinte ó da publicación deste anuncio no Diario Oficial de Galicia.
Documentación que hai que presentar: a indicada na cláusula 10.1.2 do prego de cláusulas administrativas particulares.
Lugar de presentación:
Entidade: rexistro da Secretaría Xeral da Consellería de Industria e Comercio.
Domicilio: San Caetano s/n, bloque 5-4ª planta.
Localidade e código postal: Santiago de Compostela, 15781.
8. Requisitos específicos.
Solvencia: será requisito indispensable para contratar que o empresario xustifique a súa solvencia económica e financeira de conformidade co artigo 16.1º a) e c) do TRLCAP, mediante informe de institucións financeiras e declaración relativa á cifra de negocios global e dos traballos realizados pola empresa no curso dos tres últimos exercicios e relacionados co obxecto do contrato.
Se por razóns xustificadas un empresario non pode facilita-las referencias solicitadas, poderá acredita-la súa solvencia económica e financeira por calquera outra documentación considerada suficiente pola Administración.
A solvencia técnica ou profesional acreditarase de acordo co establecido no punto 9 a) deste anuncio (artigo 19 a) e b) do TRLCAP).
9. Outras informacións.
a) Criterios que se aplicarán para a selección dos admitidos á 2ª fase (fase de concurso).
De entre tódalas solicitudes de participación, a selección das empresas concursantes realizarase segundo os seguintes criterios:
1) Experiencia no deseño de traballos similares ó do concurso, que se xustificará de acordo co establecido no artigo 19 b) do TRLCAP (de 0 a 60 puntos)
2) Calidade do equipo técnico responsable do desenvolvemento do traballo obxecto deste concurso, que se xustificará de acordo co establecido no artigo 19 a) do TRLCAP (de 0 a 30 puntos).
3) Volume económico dos servicios ou traballos relacionados co obxecto do contrato, que se xustificará de acordo co establecido no artigo 19 b) do TRLCAP (de 0 a 10 puntos).
b) Criterios que aplicará o xurado para valora-los traballos.
O fallo do concurso polo xurado fundamentarase na súa discrecionalidade técnica e será razoado, observando os seguintes criterios:
-A creatividade das propostas e a súa capacidade de transmitir e enriquece-lo obxecto do contrato.
-A innovación e eficacia das solucións propostas.
-Orixinalidade do deseño.
-Capacidade de recrear e transmiti-los contidos do centro.
-Capacidade de comunicación cos interesados.
10. Número de empresas que se proxecta invitar.
O número de empresas que se proxecta invitar situarase entre un mínimo de cinco e un máximo de vinte.
11. Gastos do anuncio: o importe deste anuncio será por conta do gañador do concurso.
Santiago de Compostela, 25 de outubro de 2002.
P.D. (Orde 20-12-2001, DOG nº 250)
Jesús Vázquez San Luis
Secretario xeral da Consellería
de Industria e Comercio
CONSELLERÍA DE POLÍTICA AGROALIMENTARIA E
DESENVOLVEMENTO RURAL