Con data do 27 de xaneiro de 2000, o Consello de Dirección do Instituto Galego de Promoción Económica (Igape) aprobou a reorganización do persoal directivo do instituto, publicada mediante Resolución do 28 de xaneiro de 2000 (DOG nº 31, do 15 de febreiro).
O Consello de Dirección do Igape, na súa reunión do 3 de outubro de 2002, acordou a creación dunha nova área especializada na análise, supervisión e coordinación dos distintos programas do instituto, co fin de profundar nas actividades de contraste, avaliación e seguimento operativo da actividade do Igape.
Por todo o que antecede, e en virtude das facultades que teño conferidas,
RESOLVO:
Único.-Publica-la modificación da estructura organizativa do persoal directivo do Igape acordada polo Consello de Dirección do instituto na súa reunión do 3 de outubro de 2002, no seguinte sentido:
Primeiro.-Ó punto 2. Persoal directivo do instituto, engádeselle un punto 2.5. Área de Seguimento e Coordinación de Programas.
Segundo.-Engádese un último epígrafe á estructura, co seguinte texto:
«2.5. Área de Seguimento e Coordinación de Programas.
Ó responsable da Área de Seguimento e Coordinación de Programas corresponderanlle as actividades de análise e seguimento do nivel de desenvolvemento e implantación dos distintos programas xestionados polo Igape, así como estudiar e propoñe-la metodoloxía de análise permanente sobre a problemática e as necesidades do tecido productivo galego, e propoñerlle á dirección xeral as iniciativas e actuacións que resulten oportunas de cara a asegura-lo maior nivel de eficacia e eficiencia na súa aplicación, con especial referencia ós programas que en materia de servicios ás empresas desenvolva o Igape, tanto no ámbito do asesoramento e de consultoría coma no ámbito financeiro.
Para o desenvolvemento das súas funcións, a Área de Seguimento e Coordinación de Programas contará co apoio das correspondentes subdireccións xestoras
das restantes áreas do instituto e actuará coordinadamente cos directores de área respectivos.».
Santiago de Compostela, 22 de outubro de 2002.
Margarita Rodríguez Rama
Directora xeral do Instituto Galego
de Promoción Económica
