Visto pola Sección Terceira da Sala do Contencioso-Administrativo do Tribunal Superior de Xustiza de Galicia o recurso contencioso-administrativo número 02/0004981/1994, interposto por Luis Amado Bujía contra resolución do conselleiro de Política Territorial, Obras Públicas e Vivenda da Xunta de Galicia do 25 de abril de 1994, dictouse sentencia de quince de febreiro de mil novecentos noventa e seis, agora firme, pola que se estimaba o dito recurso.
Polo tanto, de conformidade co disposto nos artigos 103 e seguintes da Lei 29/1998, do 13 de xullo, reguladora da xurisdicción contencioso-administrativa, e co fin de levar a puro e debido efecto a dita sentencia, este departamento resolve dar publicidade á parte dispositiva da sentencia do 15 de febreiro de 1996, que a seguir se transcribe:
«Decidimos que debemos estimar e estimamos en parte o recurso contencioso-administrativo deducido por Luis Amado Bujía contra resolución do conselleiro de Política Territorial, Obras Públicas e Vivenda da Xunta de Galicia, do vintecinco de abril de mil novecentos noventa e catro, aprobatorio defi
nitivamente do Plan Especial de Reforma Interior das Lagoas na cidade da Coruña; e, en consecuencia debemos anular e anulamos tal resolución en canto efectúa alteración en dúas zonas verdes do dito ámbito previstas no Plan Xeral de Ordenación Urbana do municipio e a que alude o número duos considerandos desta resolución, ó non estimar nel axustada tal resolución ó ordenamento xurídico, e debemos desestimar e desestimámo-lo recurso nos demais; sen facer pronunciamento respecto ó pagamento das custas devengadas na substanciación deste procedemento, e declarámo-la nulidade de tales actos como contrarios ó ordenamento xurídico».
Santiago de Compostela, 8 de outubro de 2002.
P.D. (Orde 13-12-1993)
José Antonio Fernández Vázquez
Secretario xeral da Consellería de Política
Territorial, Obras Públicas e Vivenda