A Inspección Xeral de Servicios recibiu da Sala do Contencioso-Administrativo, sección primeira do
Tribunal Superior de Xustiza de Galicia, providencia pola que se admite a trámite o recurso contencioso-administrativo número 01/0001006/2002-IN interposto por María Pilar Vázquez Sáenz e outros, sobre acordo do Consello da Xunta de Galicia do 24 de xullo de 2002, sobre modificación de relación de postos de traballo de servicios veterinarios oficiais.
En consecuencia, esta inspección xeral acordou nesta data e de conformidade co disposto no artigo 49 da Lei 29/1998, do 13 de xullo, reguladora da xurisdicción contencioso-administrativa, a remisión do correspondente expediente administrativo á referida sala, o que se notifica para xeral coñecemento de tódalas persoas interesadas no procedemento e se emprazan para que poidan comparecer como parte nos autos na Sala do Contencioso-Administrativo do Tribunal Superior de Xustiza de Galicia no prazo de 9 (nove) días, contados desde o seguinte ó da publicación da presente resolución no Diario Oficial de Galicia.
Santiago de Compostela, 18 de outubro de 2002.
Jaime Bouzada Romero
Inspector xeral de Servicios