A Orde do 15 de xullo de 2002 (DOG do 24 de xullo), pola que se aproban as bases que rexerán as convocatorias de bolsas correspondentes a diversas accións de formación de investigadores do Programa de recursos humanos, do Plan Galego de Investigación, Desenvolvemento e Innovación Tecnolóxica, prevé no seu anexo I a concesión de prórrogas de bolsas para realizar estudios de doutoramento.

As solicitudes admitidas para participar na dita convocatoria foron estudiadas pola correspondente comisión constituída por dous representantes da Secretaría Xeral de Investigación e Desenvolvemento da Consellería da Presidencia, Relacións Institucionais e Administración Pública, un representante da Dirección Xeral de Universidades da Con

sellería de Educación e Ordenación Universitaria e un representante das tres universidades do sistema universitario de Galicia, segundo o disposto no punto 7.1 das bases da dita convocatoria e de acordo cos criterios establecidos no punto 7.2.

En consecuencia, atendendo á proposta elaborada pola citada comisión, esta consellería

RESOLVE:

Primeiro.-Concedérlle-la prórroga para a realización de estudios de terceiro ciclo ás persoas que se citan no anexo a esta resolución por un novo período de doce meses, comprendidos entre o día 1 de outubro de 2002 e o 30 de setembro de 2003. Estas bolsas están cofinanciadas polo Fondo Social Europeo.

Segundo.-O pagamento das bolsas farase segundo o establecido no punto 10 das bases da convocatoria.

Terceiro.-A Secretaría Xeral de Investigación e Desenvolvemento adoptará as medidas necesarias para a formalización dos documentos de aceptación das bolsas ós que se fai referencia na base 10 da mencionada convocatoria e para a instrucción dos correspondentes expedientes de gasto.

Cuarto.-O incumprimento por parte dos beneficiarios de calquera das bases establecidas na orde da convocatoria do 15 de xullo de 2002 suporá a perda do dereito a percibi-la subvención correspondente.

Quinto.-Esta resolución pon fin á vía administrativa e contra ela poderán os interesados interpoñer potestativamente recurso de reposición ante o conselleiro da Presidencia, Relacións Institucionais e Administración Pública no prazo dun mes, contado a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderá interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ó da publicación desta resolución no Diario Oficial de Galicia.

Santiago de Compostela, 18 de outubro de 2002.

P.D. (Orde 15-7-2002, DOG do 24 de xullo)

Miguel Ángel Ríos Fernández

Secretario xeral de Investigación e Desenvolvemento

ANEXO