A Fundación Pública Escola Galega de Administración Sanitaria (Fegas) anuncia a convocatoria pública do seguinte posto do seu cadro de persoal para a súa contratación indefinida e fixa:

-Posto: técnica de xestión contable.

Requisitos de titulación: técnico con formación profesional superior non sanitaria ou formación equivalente.

O modelo de instancia e as bases da convocatoria para participar no dito proceso selectivo poderán recollerse polos interesados na propia sede da fundación, sita no polígono das Fontiñas; rúa de Madrid, 2-4, 2ª planta, sen prexuízo de que os aspirantes poidan solicita-lo seu envío logo de chamada ó teléfono 981 58 06 33 da Fegas das 10 ás 13.30 horas. Ademais, as bases da convocatoria tamén serán obxecto de publicación na páxina web do Sergas (www.sergas.es).

O prazo de presentación de instancias será de 20 días naturais contados a partir do seguinte ó da publicación deste anuncio no Diario Oficial de Galicia.

Santiago de Compostela, 15 de outubro de 2002.

Javier Bouzada Romero

Director da Fundación Pública Escola Galega

de Administración Sanitaria