A modificación proposta implica a creación do posto de traballo de xefe/a Sección do Rexistro Xeral que obedece á necesidade de facer fronte ó incremento do volume de traballo no propio rexistro, así como a necesidade de coordinar e dirixir toda a actividade, especialmente trala creación e posta en funcionamento de novos centros de Información Administrativa e Atención ó Cidadán. A amortización do posto de traductor/a obedece á necesidade de facer fronte ó incremento de custo que supón a creación do posto antes referido sen que supoña unha diminución dos efectivos do Servicio de Traducción e finalmente a modificación do posto de xefe/a de Sección de Coordinación Administrativa polo de xefe/a de Sección de Habilitación e Administración obedece á posta en funcionamento do novo edificio administrativo da Xunta de Galicia en Vigo. Respecto a este último e dada a especial responsabilidade que supón o manexo de fondos públicos, proponse a provisión polo sistema de libre designación.
En consecuencia, por proposta do conselleiro da Presidencia, Relacións Institucionais e Administración Pública, consultadas as organizacións sindicais presentes na Mesa Sectorial de Negociación da
Comunidade Autónoma e a Comisión de Persoal, o Consello da Xunta de Galicia na súa reunión do dez de outubro de dous mil dous, adoptou o seguinte
ACORDO:
Primeiro.-Modifica-la vixente relación de postos de traballo da Consellería da Presidencia, Relacións Institucionais e Administración Pública, nos termos que se sinalan no anexo ó presente acordo.
Segundo.-Ordena-la súa publicación no Diario Oficial de Galicia para efectos da súa entrada en vigor a partir do día seguinte a ela.
Terceiro.-Clasificar como posto de libre designación, de acordo coa motivación que se especifica, o seguinte:
Código Denominación Motivación
PR.C99.40.000.36560.005 Xefe Sección de Habilitación e Administración Posto de especial responsabilidade polo manexo de fondos públicos.
Visto o acordo adoptado polo Consello da Xunta de Galicia na súa reunión do dez de outubro de dous mil dous, relativo á modificación da relación de postos de traballo da Consellería da Presidencia, Relacións Institucionais e Administración Pública, coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 11 de outubro de 2002.
Jaime Pita Varela
Conselleiro da Presidencia, Relacións Institucionais
e Administración Pública