O Xurado Provincial de Clasificación de Montes Veciñais en Man Común de Pontevedra, en sesión que tivo lugar o día 3 de abril de 2002, acordou inicia-los trámites para a clasificación, como veciñal en man común, do seguinte monte:
Concello: Ponte Caldelas.
Lugar: Caldelas.
Nome do monte: Val da Rosa.
Cabida: 72.400 m (superficie alegada na solicitude).
Lindes:
Norte: estrada e predios particulares muro por medio.
Leste: río Verdugo e predios particulares muro por medio.
Sur: predios particulares muro por medio.
Oeste: predios particulares muro por medio.
Colindantes:
Norte: José Carlos Casas Arruti, Emilio Rodríguez Álvarez, Adolfo Amoedo Otero e outros.
Leste: José Antonio Estévez Rodríguez.
Sur: Olga Cuadrado Rey, Josefa Celia Álvarez Acuña e Manuel Martínez Otero.
Oeste: Manuel González Martínez, Olga Cuadrado Rey, Carmen Cousiño Hermida e outros.
Estado forestal: as zonas máis altas da parcela, no contorno da superficie ocupada polo instituto de ensinanza, atópanse rasas ou cubertas por herbazal e matorral baixo. As zonas altas da ladeira con orientación suroeste atópanse poboadas por pés de eucalyptus globulus, pinus pinaster e quercus robur en estado de latizal formando masa pouco densa. A parte media e baixa da ladeira, ata o río Verdugo está poboada por masa densa formada por monteiras de abrollos de cepa de eucalipto e masa mixta de eucalipto, piñeiro, carballo e acacia.
Servidumes e ocupacións: as cotas superiores da parcela, nunha extensión de 11.000 m, segundo o indicado na solicitude, atópanse ocupadas por instituto de ensinanza e campos de deporte anexos, separados por valado metálico.
Colindante ó perímetro do instituto no seu lado sureste localízase unha entulleira.
A parcela aparece bordeada nos seus lindes norte e leste por estrada asfaltada e pista que continúa o percorrido pola ladeira suroeste a toda a extensión da parcela.
Dous ramais desta pista conducen ata a cota máis alta, nas proximidades do instituto e ó extremo sur cerca do río Verdugo.
A parcela atópase atravesada en dirección noreste-suroeste por unha liña de media tensión.
O que se pon en coñecemento de tódolos interesados, para efectos de abrir un período de información dun mes de duración contado a partir do día seguinte á publicación deste anuncio para que se poida examina-lo expediente e aducir durante este tempo o que se estime procedente en relación co monte de referencia, de conformidade co disposto no artigo 11 da Lei 13/1989, do 10 de outubro, de montes veciñais en man común, e no artigo 23.2º do Decreto 260/1992, do 4 de setembro, polo que se aproba o regulamento para a execución da dita lei.
Pontevedra, 9 de setembro de 2002.
José Antonio López Rodríguez
Presidente do Xurado Provincial de Clasificación
de Montes Veciñais en Man Común de Pontevedra