Examinado o expediente instruído por instancia do titular do centro privado Povisa Formación Profesional de Vigo (Pontevedra), polo que se solicita autorización para o cambio de domicilio por traslado de instalacións.

Tendo en conta que o expediente foi tramitado pola Delegación Provincial da Consellería de Educación e Ordenación Universitaria de Pontevedra que o envía cos informes correspondentes.

Vistos o Real decreto 1004/1991, do 14 de xuño (BOE do 26), polo que se establecen os requisitos mínimos dos centros que imparten ensinanzas de réxime xeral non universitarias; Real decreto 777/1998 (BOE do 8 de maio), polo que se desenvolven determinados aspectos da ordenación da formación profesional no ámbito do sistema educativo; Decreto 133/1995, do 10 de maio (DOG do 22), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG do 15 de decembro) que desenvolve o dito decreto.

Considerando que concorre no expediente os requisitos esixidos nas disposicións vixentes para poder acceder ó solicitado.

Esta consellería, por proposta da Dirección Xeral de Centros e Inspección Educativa,

DISPÓN:

Primeiro.-Autorizarlle ó centro privado Povisa Formación Profesional de Vigo (Pontevedra), o cambio de domicilio por traslado de instalacións á r/ Romil nº 75-77, segundo se especifica no anexo desta orde.

Segundo.-Tendo en conta o establecido no artigo 19.7º do mencionado Real decreto 777/1998, os laboratorios de análises, microbioloxía, radioloxía, TAC/RM e radioterapia continuarán na rúa Salamanca nº 5 (centro hospitalario Povisa).

Terceiro.-Queda o centro obrigado ó cumprimento da lexislación vixente y a solicita-la oportuna revisión cando teña que modificarse calquera dos datos que sinala esta orde.

Contra esta orde, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico

das administracións públicas e do procedemento administrativo común, ou ben directamente o recurso contencioso-administrativo no prazo do dous meses perante o Tribunal Superior de Xustiza de Galicia.

Santiago de Compostela, 23 de setembro de 2002.

Celso Currás Fernández

Conselleiro de Educación e Ordenación

Universitaria

ANEXO

Provincia: Pontevedra.

Concello: Vigo.

Localidade: Vigo.

Enderezo: Rúa Romil nº 75-77.

Código do centro: 36019931.

Denominación: centro privado Povisa Formación Profesional.

Titular: Policlínico Vigo, S.A. (Povisa).

Composición resultante:

1 ciclo formativo de grao medio de coidados auxiliares de enfermería (1 unidade para 30 alumnos).

1 ciclo formativo de grao superior de anatomía patolóxica e citoloxía (2 unidades para 30 alumnos/unidade).

1 ciclo formativo de grao superior de documentación sanitaria (1 unidade para 30 alumnos).

1 ciclo formativo de grao superior de imaxe para o diagnóstico (2 unidades para 30 alumnos/unidade).

1 ciclo formativo de grao superior de radioterapia (1 unidade para 30 alumnos).

1 ciclo formativo de grao superior de integración social (1 unidade para 30 alumnos).

1 ciclo formativo de grao superior de interpretación da lingua de signos (2 unidades para 30 alumnos/unidade).