Por Resolución do 25 de xuño de 2002, publicada no Diario Oficial de Galicia nº 128, do 4 de xullo, convocouse concurso aberto para a selección dunha oferta para a tramitación dunha concesión administrativa para a ocupación de local de dominio público portuario con destino á explotación de bar e aseos públicos no porto de Ortigueira (expediente 12-02-C-1).
Vista a proposta realizada pola mesa de contratación na que solicita que se declare deserto o concurso dado que non se presentou ningunha oferta.
Esta presidencia
RESOLVE:
Declarar deserto o citado concurso.
Contra esta resolución, que pon fin á vía administrativa, poderase interpor recurso contencioso-administrativo ante o Xulgado do Contencioso-Administrativo de Santiago de Compostela no prazo de dous (2) meses contados desde o día seguinte ó da notificación desta resolución.
Non obstante, os interesados poderán optar por interpor contra esta resolución recurso de reposición, no prazo dun (1) mes contado a partir do día seguinte ó da súa notificación, perante o mesmo órgano que a dictou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1994, do 13 de xaneiro.
Santiago de Compostela, 30 de setembro de 2002.
Emilio García Gallego
Presidente do ente público Portos de Galicia