Pola Orde do 23 de abril de 2002 (DOG do 6 de maio) convocáronse bolsas e axudas ó estudio de carácter especial para estudiantes galegos, descendentes de galegos ou residentes en Galicia que cursen estudios universitarios de primeiro ou segundo ciclo no curso 2002-2003, cunha necesidade urxente de recursos económicos motivada por causas sobrevidas e non previstas.

Na súa virtude, de acordo co establecido nas bases da convocatoria, e atendendo ó informe-proposta elevado pola comisión avaliadora a través da Dirección Xeral de Universidades, esta consellería

RESOLVE:

Primeiro.-Concederlles unha axuda ás persoas que a continuación se relacionan e na contía que se indica en cada caso:

Segundo.-No caso de producirse algunha renuncia procederase, se é o caso, e tendo en conta o remanente de crédito, a adxudicárlle-la bolsa ás persoas que figuran relacionadas a continuación como suplentes, de acordo cos criterios establecidos pola comisión:

Terceiro.-Denega-la axuda solicitada ás persoas que a continuación se relacionan e polas causas que se indican:

Causas de exclusión:

Falta algún dos seguintes documentos:

1. Copia do DNI/NIF do solicitante.

2. Certificación académica ou copia compulsada do curso 2001/2002.

3. Certificado de empadroamento na Comunidade Autónoma de Galicia para aqueles alumnos que non sexan galegos ou descendentes de galegos.

4. Copia compulsada da declaración da renda correspondente ó exercicio de 2001 ou documento acreditativo da Axencia Tributaria de non estar suxeito á declaración ante Facenda.

5. Declaración xurada asinada polo solicitante especificando os ingresos percibidos por tódolos membros que compoñen a unidade familiar durante o ano 2001.

6. Un informe do asistente social do concello no que estea empadroado, que recolla a situación socioeconómica da unidade familiar e as causas sobrevidas e non previstas que motivan a necesidade urxente de recursos económicos.

7. Documento facilitado pola entidade bancaria a nome do interesado, no que conste o código de conta cliente.

8. Declaración xurada do solicitante con expresión das axudas solicitadas ou concedidas por parte doutros organismos públicos ou privados.

9. Declaración xurada do solicitante na que xustifique os motivos que fundamentan a petición da bolsa, xuntando tódolos documentos que o proben.

10. Solicitude fóra de prazo.

11. Non cumprir co obxecto ou destinatarios das axudas.

Cuarto.-Os beneficiarios deberán presentar documento acreditativo de estaren matriculados no curso 2002/2003 no prazo máximo de 10 días naturais, despois de ter efectuado a matrícula e, en todo caso, antes do 10 de novembro de 2002.

Quinto.-Trala publicación da resolución de beneficiarios no Diario Oficial de Galicia e despois da xustificación de matrícula para o curso 2002/2003, as axudas faranse efectivas na conta bancaria indicada polos interesados.

Sexto.-O incumprimento por parte dos beneficiarios de calquera das bases establecidas na orde de convocatoria do 23 de abril suporá a perda do dereito a percibi-la subvención correspondente.

Sétimo.-Contra esta resolución, que esgota a vía administrativa, os interesados poderán interpoñer recurso potestativo de reposición ante o conselleiro de Educación e Ordenación Universitaria no prazo dun mes a partir do día seguinte ó da publicación

da resolución no DOG, segundo o disposto nos artigos 116 e 117 da Lei 4/1999 (BOE nº 12, do 14 de xaneiro) de modificación da Lei 30/1992, de réxime xurídico das administracións públicas e do procedemento administrativo común, ou ben directamente recurso contencioso-administrativo no prazo de dous meses perante o Tribunal Superior de Xustiza de Galicia.

Disposición derradeira

A presente resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 11 de outubro de 2002.

Celso Currás Fernández

Conselleiro de Educación e Ordenación Universitaria